في ناس بتشوفني قاسية.. تصريحات أنغام في برنامج ABTalks
حلت مساء أمس الثلاثاء الفنانة أنغام ضيفة في برنامج “ ABTalks ” مع الاعلامي الاماراتي أنس بوخش تتحدث عن رحلتها مع عالم الموسيقى و الغناء، وعن حزنها أيضا على وفاة أختها غنوة، وعلاقتها المعقدة بوالدها، و عن علاقتها بأبنائها .
تصريحات أنغام في برنامج ABTalks
قالت أنغام عدة تصريحات من خلال ظهورها في البرنامج “ اتعلمت الموسيقى و أنا عندي 6 سنين و طريقة تعليمي كانت قاسية ”، و أضافت عن طفولتها قائلة “ أنا استوعبت أمور و أنا طفلة مكنتش عايزة أستوعبها.. أب و أم مش سعداء مع بعض ”، و عن علاقتها بوالدها قالت “ مش قادرة أسامح والدي أنا مش قوية للدرجة دي، و بحاسب على الكلام اللي قاله عني لغاية دلوقتي ”، و أضافت أيضا عن والدها “ عمري ما أنسى أول مرة أبويا مد ايده على أمي ” .
و قالت عن أصعب لحظة في حياتها قالت “ أصعب لحظة على الاطلاق هي وفاة أختي غنوة، رغم أن علاقتنا مش كويسة ”، و قالت عن علاقتها بأختها “ عمري ما كنت سبب ان غنوة تزعل مني أو يكون بيننا مشكلة، هي معرفتش تعذرني و قسوا قلبها ” .
و قالت عن أكثر شئ تخاف منه “ مش بحب الفراق و بخاف منه، و أهم شئ في العلاقة ان البني آدم يكون حقيقي ”، و أضافت عن رأيها في عمليات التجميل قائلة “ عمليات التجميل فيها شئ من المرض النفسي، و مش بفرض رأيي على أولادي ” .
و قالت عن علاقاتها العاطفية “ الحب قرار و مش حمل اتأذي تاني، و بكره أتعامل بحذر مع الناس و لكنه مهم ”، و أضافت “ عملت اللي أقدر عليه في علاقاتي العاطفية، و ادعوا شخصيات غير اللي انتهينا بيها ”
و قالت عن وصف نفسها بكلمة واحدة “ لو هوصف نفسي بكلمة هتكون قدر، كل حياتي كانت أقدار ”، و أضافت أيضا “ فيه ناس بتشوفني قاسية و مش بحب أدافع عن نفسي، و آخر مرة عيطت فيها لما تعبت و دخلت المستشفى ” .
