المدير الحنين رزق.. واقعة غريبة داخل مكتب حكومى لاستخراج "كعب العمل"
سرد مواطن تجربة تعرض لها أثناء ذهابه لانهاء بعد الأوراق داخل مصلحة حكومية ، وذلك بعدما استعان مدير المكان بأحد المواطنين لإنهاء المصالح على أجهزة الكمبيوتر بدلا من الموظفين.
وقال صاحب الواقعة" صباح الخير ..رحت مكتب العمل عشان اطلع كعب عمل لاختي لقيت المكتب فاضي مفيهوش موظفين وفيه طابور طويل، واللي ميعرفش فا كعب العمل ده بيعملوه اللي كانوا بيدوروا على شغل ولقوه تكملة ورق يعني ..الناس فين؟ والموظفين فين؟ محدش عارف، فجأة دخل علينا مدير المكتب وقال: مين هنا شاطر وسريع في الكمبيوتر؟؟".
وتابع"الناس استغربت .. فا فيه بنت من اللي واقفين رفعت ايديها وقالت انا اهوه.. قام خدها من ايديها ودخلها اوضة الموظفين وقعدها عالكمبيوتر وعلمها ازاي تسجل البطايق وتطبع الكعوب .. وقالنا معلش هتشتغلي هنا ونتعاون كلنا والدنيا تمشي .. ليه بقا يا محترم؟ اصل الادارة رافضة تعين ناس جداد .. والموظفين القدام عواجيز المصالح الحكومية مبيجوش ورافضين يشتغلوا وبيخربوا الطباعات قال يعني مش شغالة وصباح المرتبات اللي بتتصرف عالفاضي ".
وقال "واذ فجأة المواطنة اللي زيي زيها اللي كانت جاية تطلع كعب العمل عشان تشتغل في شركة برة، لقت نفسها فجأة بقت قاعدة قدام كمبيوتر لخدمة المواطنين .. وشغالة يا عيني تطلع كعوب عمل للناس مكان الموظف الاجازة .. في مواجهة طالبين المصالح .. والناس بتضحك .. واهي الدنيا ماشية منها فيها ".
