تسريب لبيانات العملاء.. مواطن يحذر من بنك HSBC بعد سحب أموال من بطاقته دون علمه
حذر مواطن من التعامل مع بنك HSBC، بعد تعرضه لسحب أموال بالرغم من عدم تفعيل الكارت الخاص بالبنك.
وقال صاحب المشكلة " ياريت الكل ياخد إحتياطاته مش عارف الصراحة إزاي بنك كبير زي أتش إس بي سي لما جيت فتحت حساب طلعلي كريدت كارد فري وأنا أساسا مش محتاجه فمعملتش أكتيڤيشن للكارد وبقاله ٤ سنين مرمي في درج المكتب لحد ما صحيت النهاردة الفجر علي أكثر من ١٢ رسالة أن الكارد بيتسحب منه فلوس وبيتعمل عليه معاملات لدرجة أني تخيلت أنه كارد ال debit لحد ما كلمت خدمة العملاء ولقيتهم بيقولولي ان المعاملات تمت علي الكريدت كارد من برة مصر اللي أنا أساسا معملتلوش أكتيڤ ولا حتي باسورد ولا عملت عليه معاملة واحدة من ساعة ما طلع".
وتابع صاحب المشكلة مع بنك HSBC ، "السؤال هنا كريدت كارد متعملوش أكتيڤ ولا باسورد ولا تمت عليه أي معاملة قبل كدة يتعمل عليه هاكر أزاااااااي مع بنك كبير زي أتش إس بي سي غير أن بيانات العملاء بتتسرب أو مافيش عامل أمان كفاية علي العموم أنا عملت أعتراض - ده رقمه اللي بتابع بيه
060923-0605LRلحد ما نشوف رد البنك علي المصيبة دي ولسة بعمل محضر في الأموال العامة".
