الفنانة شمس باكية: عيلتي ماتت والفقدان صعب
كشفت الفنانة شمس، سبب ابتعادها عن التمثيل خلال السنوات الأخيرة الماضية، وعدم مشاركتها في الكثير من الأعمال السينمائية أو الدرامية.
شمس باكية في "قعدة ستات": عيلتي ماتت والفقدان صعب
وقالت شمس خلال لقائها مع الإعلامية مروة صبري في برنامج "قعدة ستات"، المذاع على شاشة "القاهرة اليوم": كنت بشتغل مع كبار المخرجين اللي في الوسط ومتربية على ايديهم وهما دلوقتي تلت اربعهم مش موجودين على الساحة اصلا والأدوار اللي بتجيلي ممكن تكون كبيرة بس مش بحجم الأدوار اللي كنت باخدها زمان، بس بتشدني.
سبب ابتعاد شمس عن الساحة الفنية
وتابعت شمس: وفي نفس الوقت انا مريت بظروف كتير خلتني معنديش طاقة غير لما تكون حاجة حباها اوي حاجة تهزني، أو حاجة مع مخرج انا اشتغلت معاه وعارفة هو هيعرف يطلع من شمس ايه، غير اني اتعرضت للنصب كتير جدا واشتغلت مع ناس مش فاهمة وحاولت اعمل زي ما الناس بتقولي ارجعي وانتشري ف اكدب عليكم لو قولت محاولتش .
واستكملت شمس: جتلي حالة من الزهق والقرف لأني اتربيت على ايد حسين كمال وجلال الشرقاوي وايناس الدغيدي ويسرا ويحيى الفخراني، مفيش مخرج كبير مشتغلتش معاه ومفيش ممثل مشتغلتش معاه، فمتعودتش على الأسلوب للي احنا ماشيين بيه دلوقتي.
وفاة عائلة شمس
كما دخلت شمس في نوبة بكاء على الهواء، وروت تفاصيل وفاة عائلتها، قائلة: موت اخواتي خلاني اتكسرت، العمود الفقري بيكون فقرات فانا اول فقرة اتكسرت كان موت ماما، الاخوات سند خصوصا لما يبقى الفرق ابرع شهور او صغير بينكوا، الفقد عموما صعب لما تفقدي الكلب او القطة بتاعتك قلبك بيوجعك، بس هما كلهم يوجعوا القلب.
