حسب فلوس الرحلة بالعافية.. فتاة تحذر من شركة أوبر

حذرت فتاة من التعامل مع شركة أوبر بسبب تطاول عدد من سائقيها خاصة بعد تعرضها لموقف شخصى من أحد العاملين بالشركة.

وقالت صاحبة الواقعة،" الاستاذ رفض يشغل التكييف وقالي مفيش حر ومش هاشغله فاخدت الولاد ونزلت ومنع اني اكنسل الرحلة وفضل واقف ادام العمارة وقعد فرحان اني بصوره لما فضل مصر يخلي الرحلة معلقة وف الاخر كمان راح حسب فلوس الرحلة عليا.. ليه مصرين التعامل مع ناس بتهدد امننا وبلطجية فعلا !!!!".

وكان مواطن قد وثق تجربته مع سائق أوبر تركه فى الطريق لرفضه أن الحساب بالفيزا ، وأن الدفع الكاش فقط مقابل بدء الرحلة.

وقال صاحب المشكلة مع شركة أوبر،" الاستاذ الفاضل المحترم طلبت اوبر وفضلت منتظره ربع ساعه ف الحر والشمس ولما جه جيت اركب قالى هتدفع كرديت لاء اسف متزكبش ومشى وسابنى".

وكانت عروسة قد تعرضت  للسرقة الشهر الماضي  من سائق بشركة أوبر، حيث سرق شنطة شهر العسل الخاصة بها أثنا توصيلها لها، على حد قول صاحبة الواقعة .

وقالت خبيرة التجميل الخاصة بالعروسة بعد نشر الواقعة ، " هو بوست غريب شوية بس بجد محتاجين مساعدتكم في اقصي سرعة ..العروسة اللي عندي انهارده ..كانت صاحبتها بتجبلها شنطة الهاني مون و جايلها الاوتيل و سواق اوبر الغير محترم ده هي حاطة stop 2راحت لما نزلت تجيب الحاجة في ال stop الاولي اخد الشنطة و جري الشنطة فيها كل حاجة العروسة في الهاني مون و بعديه عشان هي مسافرة بره مصر بعد الفرح ".

وتابعت عن سائق أوبر،" العروسة منهارة معهاش اي حاجة من حاجتها ..محتاجين Uber Uber Uber  الشركة المحترمة تتصرف في اقصي سرعة .. ولان طبعا اوبر مش بتدينا بيانات الرحلة ولا اي تفاصيل حفاظا علي العاملين معاها !  محتاجين البوست يلف السوشيال ميديا  بسرعة البرق  معناش وقت للاسف".