بشرى تنهار من البكاء أثناء حديثها عن مرضى السرطان

انهارت الفنانة بشرى، أثناء حديثها عن مرض السرطان، على هامش تواجدها بمستشفى بهية لحضور العرض الخاص لفيلم "أولاد حريم كريم".

بشرى تنهار من البكاء أثناء حديثها عن مرضى السرطان

وقالت بشرى، خلال لقاء لها ببرنامج "et بالعربي" عن مرضى السرطان:"كلنا فقدنا سواء حد من أهلنا أو أصدقائنا أو الجيران أو زملائنا بسبب مرض السرطان مفيش حد في عيلته مفقدش حد بسبب المرض اللعين".

ومن جانب آخر، علقت الفنانة بشرى على انتقاد الناقد الفني طارق الشناوي وهجومه على فيلم "أولاد حريم كريم" والذي قامت بإنتاجه مؤخرًا ومن بطولة الفنان مصطفى قمر.

وقالت بشرى خلال مداخلة هاتفية  لبرنامج "قعدة ستات" الذي تقدمه الإعلامية مروة صبري على شاشة "القاهرة اليوم"،  الفيلم يجمع بين النوستالجيا والجيل الجديد، والكواليس مع المخرج علي إدريس كانت جميلة، واسألو الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا.

واستكملت بشرى حديثها عن انتقاد طارق الشناوي للفيلم: في بعض النقاد ارائهم انطباعية مش تحليلة بشكل علمي بتحسس الناس أنهم مشافوش الفيلم اصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور، أصل ده فيلم مهرجانات ولا صوت يعلوا فوق الجمهور هي اللي بيحدد، الفيلم جماهيري مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم وميقتصرش مجهود الفيلم في شخص واحد، عيب في ناس ورا الكاميرا أشتغلت وعمُال كمان.

وقالت بشرى: مفكرتش أكلمه ولا ألومه ومن أمتى وهو بيمدح اساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني