حمزة نمرة يهدي أغنية "مرايات" لوالده.. لهذا السبب
حرص المطرب حمزة نمرة، على إهداء أغنيته الجديدة "مرايات" من ألبوم رايق إلى والده الراحل، وذلك من خلال منشور عبر حسابه الشخصي على موقع تبادل الصور والفيديوهات "إنستجرام ".
حمزة نمرة يهدي أغنية "مرايات" لوالده لهذا السبب
وكتب حمزة نمرة: أنا فاكر الصورة دي، كانت في عيد ميلادي وبابا الله يرحمه كان جايب لي هدية، أنا كنت عايز الموقف يعدي بسرعة ومحرج واخواتي بيصوروني وبابا بيديني الهدية وهو حاضنني. لما شوفت الصورة دلوقتي لقيتني بقول لنفسي ياريتك كنت مركز أكتر من كده في اللحظة دي وعرفت تعبر عن المحبة اللي جواك للي حواليك.
وتابع: بابا بابا كان من صغره فنان وبيحب الرسم, كان نفسه يطلع رسام، لما خلص ثانوية عامة مجموعه كان يدخله كلية طب القاهرة، لكن هو كان عايز يدخل فنون جميلة.. كل عيلته وقفوا ضده وأقنعوه إن القرار الصح إنه يدخل طب ويأجل الفن شوية لحد ما يخلّص طبعاً اتخرج من الطب وما دخلش فنون جميلة وسافر واشتغل طبيب أربعين سنة.
واضاف: كان مخلص جداً لشغله وربنا رزقه نجاح وسمعة طيبة. في مرضه الأخير بابا كان كل اللي بيعمله إنه يصور رسوماته القديمة اللي رسمها وهو صغير وينشرها على الفيسبوك، كأنه بيقول إعرفوني، ده أنا، مش الشخص اللي عرفتوه الأربعين سنة اللي فاتت. أغنية مرايات.. بأهديها ليك يا بابا.
