قالولها تعالى وبعدين رجعوا فى كلامهم.. سيدة توثق تجربتها مع شراء سيارة BMW
وثقت سيدة تجربتها مع شركة عربيات BMW، لعد استلامها سيارتها رغم دفع المقدم.
وقالت السيدة عبر السوشيال ميديا فى منشور متداول ،" يوم 3 ديسمبر 2022 فتحوا الحجز لعربيات BMWروحنا فرع جلوبال ودفعنا مقدم الحجز لعربيه 320 موديل 2023 يوم 7 مارس كلموني وقالولي العربيه جاهزه للتسليم لون أسود / فرش جملي وبعتولي رقم الحساب عشان احول عليه وقالولي الاستلام هيكون ف خلال خمس ايام بعدها بيومين كلموني وقالولي العربيه مش موجوده والاستلام هيكون كمان شهر "دي طبعاً حاجه غريبه جدا"ازاي العربيه موجوده ويتبعنلنا تفاصيلها بلونها برقم الحساب "كل ده موجود م بيني وبين السيلز في رسايل واتساب" .
وتابعت "ومن بعد التاريخ ده لغاية النهاردة مماطله رهيبه وعدم استجابه نهائيا والعربيه سعرها زاد بطريقه رهيبه دا غير انهم ادونا ايصال الحجز باسم الشركه البافاريه واحنا أصلاً حاجزين ف شركه جلوبال والورقه معانا"، وقامت السيدة بالإشارة إلى المواقع الرسمية لمجلس الوزراء وجهاز حماية المستهلك لنجدتها.
