بعد حلقتها مع عمرو أديب أمس .. ياسمين صبري تتصدر التريند على تويتر
ياسمين صبري .. تصدرت الفنانة ياسمين صبري محرك البحث على موقع التواصل الاجتماعي “ تويتر ” و ذلك بعد ظهورها كضيفة مساء أمس الأحد ببرنامج الحكاية مع الاعلامي عمرو أديب عبر قناة “ MBC Masr ” .
بعد حلقتها مع عمرو أديب أمس .. ياسمين صبري تتصدر التريند على تويتر
ياسمين صبري .. حلت الفنانة ياسمين صبري مساء أمس الأحد ضيفة ببرنامج “ الحكاية ” مع الاعلامي عمرو أديب و الذي يعرض عبر قناة “ MBC Masr ”، و تحدثت في الكثير من الأمور المتعلقة بحياتها الشخصية و أعمالها الفنية.
ياسمين صبري .. قالت ياسمين عدة تصريحات أهمها " لو مكنتش ممثلة كنت عايزة ابقى محامية أو سيدة أعمال علشان بالي طويل و عندي صبر ".
ياسمين صبري .. تابعت " بحب السفر و شغلي كله سفر ، و السفر بيخليك تحتك بالناس اكتر و تكون شخص مرن، بشتغل على نفسي كل يوم ، و بتفرج على سيشن في علم النفس " .
ياسمين صبري .. قالت " الإنسان لازم يعمل القيمة، و إن القيمة انك تستخدم عقلك تتطور و تفكر و ترتقي بنفسك ، و القيمة مش بكونك إن فلان " .
ياسمين صبري .. تابعت " الست بتحب كل حاجة حلوة ، و اكتر مبيعات في العالم بتكون المنتجات النسائية، لما تكون معايا صديقتي و زوجها جيه ، بسيبها و بمشي ، بخلي الست مرتاحة الا لما تكون مصممة اني اكون موجودة ".
ياسمين صبري .. و قالت:" إن البني ادم عبارة عن براند ماشي على الأرض، إن أي حد تحت الأضواء لازم يتعب و يشتغل على نفسه و يسعى " .
ياسمين صبري .. و قالت " الطيارات بتكون مجرد عقود سواء يوافقوا عليها أو ميوافقوش ، و إن الطيارة مبتعملش انسان، و إن الإنسان لازم يكون تقيل و رزين و قوي ، و أن ربنا ميزنا عن كل الكائنات بالعقل ".
ياسمين صبري .. و أضافت " الناس مشكلتها أنهم بيهملوا نفسهم و بيشتكوا من سوء حال الدنيا و سوء الحظ ، و بؤمن إن في ايدك تخلي حياتك جنة أو نار، بحب القراءة جدا، و طموحة جدا و ده ساعدني على التطور ".
ياسمين صبري .. و تابعت " دور الضحية بيحب الاستعطاف و يعيش الدور ده ، و من صغري طموحة و محظوظة، الحلاوة ممكن تساعد الحظ ، و ممكن تضيعها إذا أساءت استخدامها " .
ياسمين صبري .. و قالت " طول عمري بلعب رياضة و أنا 4 سنين ، كنت سباحة من صغري و كنت بدخل بطولات ، و سيبت السباحة و أنا عندي 18 سنة ، و كملت رياضة بعدها " .
ياسمين صبري .. و أضافت " اتعلمت حركة البرجل على كبر ، و إنها تعتبر تمارين يوجا، بلعب ساعة و نص كارديو ، و 70 دقيقة يوجا
ياسمين صبري .. و قالت " اكتر ناس محتاجين اليوجا اللي عندهم ضغوطات في الحياة، الراجل لو حب شكل ياسمين ، ف هو حب جزء من شخصية ياسمين ، و كل ست جواها مؤشر و بتبقى عارفة إذا كان الراجل صادق أو كذاب ".
ياسمين صبري .. و قالت " مش كل الناس تقدر تيجي تكلمني، أنا شخصية محافظة و أفتخر و اللي خلاني كدة تربية جدتي ".
ياسمين صبري .. و تابعت " الانتقام ده تضييع وقت ، و إنه معناه أن أنا مهتمة، معنديش أعداء ، و في نفس الوقت معنديش صداقات كتير " .
ياسمين صبري .. وأضافت " صعب يكون عندي صديق راجل لإن بيحصل تكوين مشاعر مع الوقت، أنا جاية من بيئة فيها قيود ، و مش حاسة ان فايتني حاجة "
ياسمين صبري .. تابعت " الشهرة بتقيدني إني مثلا أروح بحري أكل سمك، أنا بنت الاسكندرانية ، و إن الناس على السواحل أعصابهم أهدى عن الناس اللي عايشة في القاهرة، كيم كارداشيان هي ست عرفت تستغل مشاكلها صح " .
ياسمين صبري.. تابعت " بيقولوا إني شبه جورجينا علشان نفس ألوانها ، عندنا مشكلة كعرب و هي أننا بنمجد الشئ الأجنبي و العربي بيبقى رقم اتنين ، و دي ثقافة موجودة "
ياسمين صبري .. أضافت " أنا من الناس لو غيرت حاجة في نفسي هتبقى أوحش، قالوا في بداياتي إني بقلد كيم كارداشيان كيم ليها أخت أصغر و بتكون أقوى منها " .
ياسمين صبري .. يذكر أن الفنانة ياسمين صبري قدمت فيلم البعبع الذي عرض في موسم الصيف ، و يشارك في بطولة الفيلم أمير كرارة و باسم سمرة و محمد عبد الرحمن و محمد أنور ، و يعد الفيلم من تأليف ايهاب بليبل ، و من اخراج حسين المنباوي
ياسمين صبري .. كما من المفترض أن يعرض لياسمين صبري فيلم ابو نسب في ديسمبر المقبل و يشارك في بطولة الفيلم كل من محمد امام و ماجد الكدواني ، و يعد الفيلم من تأليف أيمن وتار ، و من اخراج رامي إمام .
