"سيدة جميلة و لكن لا تملك موهبة التمثيل" .. ماجدة خير الله تعلق على موهبة ياسمين صبري
علقت الناقدة ماجدة خير الله على الجدل المثار حول ياسمين صبري و موهبتها بالتمثيل، و ذلك من خلال منشور كتبته على صفحتها الرسمية عبر موقع التواصل الاجتماعي “ فيسبوك ” .
سيدة جميلة و لكن لا تملك موهبة التمثيل .. ماجدة خير الله تعلق على موهبة ياسمين صبري
كتبت الناقدة ماجدة خير الله منشور على صفحتها الرسمية عبر موقع التواصل الاجتماعي “ فيسبوك ” و علقت قائلة “ ياسمين صبري .. سيدة جميلة ليس في ذلك شك، و لكنها لا تملك موهبة التمثيل، و معظم التجارب التي ظهرت فيها لم تخدمها ” .
و تابعت “ و مشكلتها أن الناس تتعامل معها بوصفها امرأة جميلة فقط، و هي تحاول أن تبدو مثقفة و عميقة، فيتحول الأمر الى مسخرة ”
و أضافت “ تاريخ السينما مر عليه جميلات و فاتنات من كل لون، و لكن البساطة و الموهبة أهم كثيرا و أبقى من الجمال ” .
و اختتمت “ لو عايزة تكمل في التمثيل يبقى لازم تبذل جهدا مضاعفا، ربما تحقق شيئا ما في هذا المجال ” .
حلقة ياسمين صبري مع عمرو أديب
كانت ياسمين صبري قد حلت ضيفة ببرنامج الحكاية مع عمرو اديب و تحدثت في الكثير من الأمور المتعلقة بحياتها الشخصية و أعمالها الفنية.
قالت ياسمين عدة تصريحات أهمها " لو مكنتش ممثلة كنت عايزة ابقى محامية أو سيدة أعمال علشان بالي طويل و عندي صبر ".
"بيقولوا أني شبه جورجينا بس العرب بيحبوا الأجانب".. أبرز تصريحات ياسمين صبري مع عمرو أديب
تابعت " بحب السفر و شغلي كله سفر ، و السفر بيخليك تحتك بالناس اكتر و تكون شخص مرن، بشتغل على نفسي كل يوم ، و بتفرج على سيشن في علم النفس " .
قالت " الإنسان لازم يعمل القيمة، و إن القيمة انك تستخدم عقلك تتطور و تفكر و ترتقي بنفسك ، و القيمة مش بكونك إن فلان " .
تابعت " الست بتحب كل حاجة حلوة ، و اكتر مبيعات في العالم بتكون المنتجات النسائية، لما تكون معايا صديقتي و زوجها جيه ، بسيبها و بمشي ، بخلي الست مرتاحة الا لما تكون مصممة اني اكون موجودة ".
و قالت:" إن البني ادم عبارة عن براند ماشي على الأرض، إن أي حد تحت الأضواء لازم يتعب و يشتغل على نفسه و يسعى " .
و قالت " الطيارات بتكون مجرد عقود سواء يوافقوا عليها أو ميوافقوش ، و إن الطيارة مبتعملش انسان، و إن الإنسان لازم يكون تقيل و رزين و قوي ، و أن ربنا ميزنا عن كل الكائنات بالعقل ".
و أضافت " الناس مشكلتها أنهم بيهملوا نفسهم و بيشتكوا من سوء حال الدنيا و سوء الحظ ، و بؤمن إن في ايدك تخلي حياتك جنة أو نار، بحب القراءة جدا، و طموحة جدا و ده ساعدني على التطور ".
ياسمين صبري .. و تابعت " دور الضحية بيحب الاستعطاف و يعيش الدور ده ، و من صغري طموحة و محظوظة، الحلاوة ممكن تساعد الحظ ، و ممكن تضيعها إذا أساءت استخدامها " .
و قالت " طول عمري بلعب رياضة و أنا 4 سنين ، كنت سباحة من صغري و كنت بدخل بطولات ، و سيبت السباحة و أنا عندي 18 سنة ، و كملت رياضة بعدها " .
و أضافت " اتعلمت حركة البرجل على كبر ، و إنها تعتبر تمارين يوجا، بلعب ساعة و نص كارديو ، و 70 دقيقة يوجا "
و قالت " اكتر ناس محتاجين اليوجا اللي عندهم ضغوطات في الحياة، الراجل لو حب شكل ياسمين ، ف هو حب جزء من شخصية ياسمين ، و كل ست جواها مؤشر و بتبقى عارفة إذا كان الراجل صادق أو كذاب ".
ياسمين صبري .. و قالت " مش كل الناس تقدر تيجي تكلمني، أنا شخصية محافظة و أفتخر و اللي خلاني كدة تربية جدتي ".
و تابعت " الانتقام ده تضييع وقت ، و إنه معناه أن أنا مهتمة، معنديش أعداء ، و في نفس الوقت معنديش صداقات كتير " .
وأضافت " صعب يكون عندي صديق راجل لإن بيحصل تكوين مشاعر مع الوقت، أنا جاية من بيئة فيها قيود ، و مش حاسة ان فايتني حاجة "
تابعت " الشهرة بتقيدني إني مثلا أروح بحري أكل سمك، أنا بنت الاسكندرانية ، و إن الناس على السواحل أعصابهم أهدى عن الناس اللي عايشة في القاهرة، كيم كارداشيان هي ست عرفت تستغل مشاكلها صح " .
و تابعت " بيقولوا إني شبه جورجينا علشان نفس ألوانها ، عندنا مشكلة كعرب و هي أننا بنمجد الشئ الأجنبي و العربي بيبقى رقم اتنين ، و دي ثقافة موجودة "
أضافت " أنا من الناس لو غيرت حاجة في نفسي هتبقى أوحش، قالوا في بداياتي إني بقلد كيم كارداشيان كيم ليها أخت أصغر و بتكون أقوى منها " .
يذكر أن الفنانة ياسمين صبري قدمت فيلم البعبع الذي عرض في موسم الصيف ، و يشارك في بطولة الفيلم أمير كرارة و باسم سمرة و محمد عبد الرحمن و محمد أنور ، و يعد الفيلم من تأليف ايهاب بليبل ، و من اخراج حسين المنباوي
كما من المفترض أن يعرض لياسمين صبري فيلم ابو نسب في ديسمبر المقبل و يشارك في بطولة الفيلم كل من محمد امام و ماجد الكدواني ، و يعد الفيلم من تأليف أيمن وتار ، و من اخراج رامي إمام .
