أبويا وأمي مربوناش وكنت بحب خالة صحبي.. أبرز تصريحات أحمد حلمي في Ab talks
حل الفنان أحمد حلمي ضيفا على الإعلامي أنس بوخش في برنامج "AB Talks"، وتحدث عن أمور متعلقة بحياته الشخصية،وبدايته في التمثيل.
قال أحمد حلمي عن طفولته: "أنا مقصدش أنها كانت طفولة مشردة ولا معذبة لكن كان نفسي اكون بعرف لغات واللغات بيتم تعليمها وانت صغير وكان نفسي اكون بسافر كتير وانا صغير، ففي حاجات كان نفسي تكون أفضل لكن أنا بحب طفولتي جدا"
وعن مواقف سعيدة في طفولته قال "كان في مرة أنا واخويا وكان عندنا مسحوق غسيل واخويا كان أكبر مني بسنتين ومرة رمى جزء من مسحوق الغسيل فدخلت في بوقي وبلعتها وصوتي راح"
ومن أبرز هذه التصريحات:
1-بحس إن تكويني كتلة من التناقضات.
2-معنديش ذوق محدد في حاجة معينة.
3-بحس التركيبة دي أفضل من إنك تبقى عارف نفسك أوي.
4-إنك متعرفش نفسك دي أفضل كتير من إنك تبقى عارف نفسك أوي.
5-ممكن يبقى تصرف من حد يزعلني،ونفس التصرف من حد تاني ميزعلنيش.
6-كتير سألت نفسي"من أنت؟"دي موصلتلهاش لحل،بحب القراية وبحاول أكرها.
7-معنديش نوع معين أو ذوق معين أو طريقة معينة من غيره مبقاش مرتاح.
8-طفولتي في تلات كلمات هما لم تكن كما أحب.
9-مش بتكلم عن فكرة طفولة مشردة أو مهذبة بس كان نفسي بكون اعرف لغات واللغات دي بتتعملها وأنت صغير.
10-كان نفسي أبقى بسافر كتير من وأنا صغير بس سافرت على كبر.
11-طفولتي فيها بعض الحاجات اللي كان نفسي تكون أفضل من كدا بس بحبها جدا
12-أي شيئ آثر فيك مبتنسهوش لأن ده ممكن يتحول فيك لمشكلة نفسية.
13-أبويا مات وملحقتش أشبع منه ملحقتش أحضر معاه مرحلة الصحوبية لأنه مات وأنا يا دوب لسه في أوائل الجامعة.
14-كان أهلي قاعدين في بنها وأنا كنت قاعد في القاهرة علشان كدا مكنتش بشوفهم كتير.
15-وقت ما كنا عايشين في السعودية كان أبويا بيشتغل وده كان الوقت اللي متبقاش مدرك فيها يعني آيه أب تشبع منه.
16-ملحقتش احكيلوه ويحكيلي ونخرج ونتكلم لأنه كان مريض كمان.
17-كان أصعب لحظة عليه لما كنت بشوفه تعبان مش فكرة إن أبوك تعبان بس فكرة العجز إنك أنت مش عارف تعمل له حاجة.
18-ودي من أصعب المشاعر اللي ممكن الواحد يعدي بيها في حياته إنك تشوف حد بتحبه راقد وانت مش عارف تعمل له حاجة
19-وتوفى وملحقش يشوف حياتي وولادي لأن قعد شويه في مرحلة المرض ما شافش غير بنتي الكبيرة كان عندها تلات سنين وبعدها توفي.
20-حاولت كتير أجيب أمي تعيش جنبي بس هي مبترضاش.
21-كان نفسي دايما أمي تبقى ساكنة في الشقة اللي جنبي أو الدور اللي جنبي.
22-بس هي في حياتها وأنا حبيبت مبقاش أناني للدرجادي هي مرتاحة هنا.
23-أبويا كان راجل صامت كان دمه خفيف بس ساكت مبيتكلمش كتير مشاهد أكتر من إنه متكلم.
24-حسيت أنه ليه فضل كبير جدا في تكويني وصفاتي اللي هي جينات زي ما بيقولوا.
25-أبويا وأمي تقريبا مربوناش مش بمعنى مربوناش،كان في حرية في التربية فكونوا شخصيتنا كلنا.
26-مكنش فيها الشكل التربوي المعتاد ده لأ وده أه سابوا الجينات تاخد مجراها.
27-الجينات بهتت علينا في حتة إن نبقى نبقى مسئولين نبقى بنحب بحد كأخوات.
28-أنا عمري ما أفتكر إن أبويا قالي متقولش كدا لأخوك متقولش كدا لأختك أو طبطب على اختك إحترم الكبير عمري ما سمعت الجملة دي في حياتي ولا أخويا سمعها ولا أختي سمعتها.
29-أكيد كنا بننتخانق وإحنا صغيرين بس كنا بنحب بعض.
30-كنت بحس إن كان فيه يد خفية بتربينا مخدناش بالنا منها.
31-ملحقتش أخطف من وقت أبويا كتير ودي من الحاجات اللي بتمنى الزمن يرجع علشان أبقى معاه.
32-أنا اتذكر لما كنت بروح له المستشفى في العناية المركزة أدركت فكرة إنك لما تشوف مكروه لأي حد بتحبه حاجة بشعة.
يذكر أن أحمد حلمي شارك في بطولة مسرحية "ميمو" مع هنا الزاهد وأحمد رزق وهنا شيحة وغيرهم نخبة من النجوم ومن تأليف ضياء محمد وإخراج هشام عطوة.
