أحمد ثروت: الدنيا كانت سرقاني ويعترف إني قصرت مع عيلتي

حل المخرج الشاب أحمد محمد ثروت ضيفا على برنامج معكم منى الشاذلي، و استقبله الجمهور استقبال حافل لحظة دخوله للاستوديو

وقال أحمد ثروت خلال حديثه:" سافرت ألمانيا اتعالج وعرفت قد ايه اني كنت مقصر مع عيلتي والدنيا كانت سرقاني شوية وده اعتراف انا بعترف بيه ولولا ربنا وأعلي مكنتش هبقى موجود دلوقتي ".

وعبر أحمد ثروت عن سعادته البالغة بوجوده مع الإعلامية منى الشاذلي، وبدأ حديثه عن مرضه قائلا: الإنسان ضعيف كانوا بيربطوا المعلقة في أيدي علشان اقدر اكل لوحدي" .

وحكى أحمد ثروت عن فترة مرضه قائلا: ربنا كان عايز يقولي كلام وانا حسيت إحساس بعد الفترة دي إني عايز اقول فعلا الله اكبر.. أنا في ظرف 30 دقيقة فقدت الحركة مرة وانا سايق العربية فقدت الحركة وعيني الشمال قفلت".

تابع:" المرض نادر واول تشخيص قالوا جلطة بس ده مرض مناعي سريع جدا " .

بكى أحمد ثروت ووالده محمد ثروت خلال حديثهما عن رحلة المرض والعلاج، وأكد أحمد أنه لو لم يستطع المشي مجددًا سيكون راضيًا بقضاء الله، قائلًا: مرة واحدة جالي خمس إعاقات ولو ما مشيتش تاني كنت هكون راضي.