أحمد خالد صالح لـ"مصر تايمز": لا شئ يعطي القضية الفلسطينية حقها ويشرفني تقديم عمل عنها
كشف الفنان أحمد خالد صالح عن إمكانية تقديم القضية الفلسطينية بالسينما المصرية و عن إن كان هناك عوائق إنتاجية تعوق تنفيذ هذه الفكرة وعن رغبته في مشاركته بعمل فني يطرح القضية ويسلط الضوء عليها.
رأي أحمد خالد صالح في إمكانية تقديم القضية الفلسطينية بالسينما المصرية
وقال الفنان أحمد خالد صالح في تصريحات خاصة لـ“مصر تايمز” عن إمكانية تقديم القضية الفلسطينية “ طول الوقت لازم يبقى فيه أعمال تتكلم عن القضية الفلسطينية مش دلوقتي بس، في أي وقت نقدر إن إحنا نتكلم فيه عن القضية طبعا لازم لإن ده واجبنا ”
و تابع عن رأيه في إن كان هناك عوائق إنتاجية قد تعوق تنفيذ هذه الفكرة “ مقدرش أتكلم في حاجة متخصنيش أوي برضه، يعني قصة شركات الإنتاج اللي يتكلم فيها أصحاب شركات الإنتاج ” .
وكشف عن إمكانية تقديمه عمل فني عن القضية الفلسطينية “ ليا الشرف و أحب جدا و أبقى محظوظ لو ربنا قدرني وعرفت أعمل كدة لإن ده أسمى حاجة ممكن إن الواحد يقدمها بالفن و باللي هو بيعمله أكيد” .
وعلق على بعض التصريحات التي يرددها البعض بأن السينما المصرية لم تتطرق للقضية بشكل عميق “ هو لا شئ يدي القضية حقها، يعني مهما عملنا هنبقى برضه مقصرين و مهما حاولنا هيبقى دايما فيه أكتر، ف دايما فيه أكتر في نصرة الحق، دايما فيه أكتر إنك تقف مع المظلوم و المظلوم ده اللي هو احنا، ف لما أتكلم على القضية، القضية مش مجرد قضية فلسطينية، القضية قضيتنا كلنا و هي قضية قضية كل بني آدم مش مسلم ولا مسيحي ولا أيا كان جنسه ولا أيا كان جنسيته، و هي قضية أي إنسان هو فيه إنسانية القضية الفلسطينية قضيته ” .
و كشف عن رأيه في أن الفيلم الذي نستطيع أن نقول أنه يلخص القضية و نخاطب به العالم لم يتم تقديمه حتى الآن “ مهما عملنا لا نوفي القضية حقها و نوفي إخواتنا حقوقهم، فربنا هو القادر سبحانه و تعالى ” .
و كشف عن أعماله القادمة “ فيه أكتر من حاجة بس للأسف مش هقدر أتكلم عنهم دلوقتي لإنهم لسه قيد التحضير، فمش مسموحلي إني أتكلم عنهم دلوقتي ” .
