بعد تصريحاتها عن الحجاب.. أسما شريف منير تثير الجدل بمنشوراتها الأخيرة

أثارت الإعلامية أسما شريف منير جدلا كبيرا وذلك بعد تصريحاتها عن ارتداء الحجاب والتزامها في الصلاة في الفترة الماضية وذلك بعد الأحداث الأخيرة بفلسطين . 

أسما شريف منير تكشف عن إمكانية ارتداء الحجاب 

قالت أسما شريف منير حول إمكانية ارتدائها الحجاب خلال لقائها مع برنامج ( ET بالعربي ) وعلقت قائلة " كان فيه فترة في حياتي كنت محجبة ومقدرتش أكمل ولو لبست حجاب لازم احترمه والناس تقتدي بيا".

وتابعت:" والدي شريف منير فخور بما أقوم به أنا وابنتي لارا وما حدث درس كيبر للعالم فقصة الشعب الفلسطيني ملهمة وفوقتني وقولت لازم ألتزم في الصلاة وبحاول انتقي كل حاجة بعملها والتزم بشكل وسطي وقافلة عيني عن الهجوم بعدما قمت بحلق شعري".

وكانت أسما شريف منير سبق وأعلنت من قبل عن التزامها في الصلاة خلال الفترة الحالية خاصة بعد الأزمة التي تشهدها فلسطين خلال الفترة الحالية، مشيرة إلى ارتياحها الشديد من أخذ هذه الخطوة.

كتبت أسما شريف منير عبر حسابها  على موقع تبادل الصور والفيديوهات “إنستجرام”: "كل يوم أربع كنت بسهر مع صحابي، وكل مرة حتى لو بنبسط يوميها، تاني يوم بيكون يوم وحش أوي وكل مرة أقول مش هروح وبضعف وبروح".

وأضافت أسما شريف منير: "بقالي 12 يوم مرحتش، وده بدأ بإني حاسة إني عمري ما هعرف أرقص وأهيص في الوقت الصعب ده، وبعدين بقى إحساس ليه علاقة بيا أنا واختياراتي، والنهارده رحت مسجد صالح الجعفري صليت ورحت بعديها مقام الإمام الحسين صليت العشاء، وكان إحساس في منتهى الهدوء والسكينة وقلبي كان مطمن وسعيد".

تابعت: "وأنا راجعة البیت عديت من حنب المكان اللي كنت بسهر فيه، قعدت أسبح لحد ما روحت وحسيت كأني طلعت الأولى على المدرسة، إحساس کده مليان قوة وانتصار على الشيطان وعلى نفسي، وده مش عشان أنا ضد السهر، خالص، بس أنا ضد إن يبقي دا محور حياتي ويوم ثابت کده، التوازن مهم في كل حاجة، وانا اتلهيت جدا، فمبسوطة إني كل شويه بفوق وبصلح واحدة واحدة".

واختتمت: "أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم وإن هييجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملا قلبك كله.. ربنا يهدينا كلنا يا رب.. يلا قوموا نصلي الفجر حاضر".