أحمد العوضي مهاجما أفيخاي أدرعي: متكدبش الكدبة وتصدقها

هاجم الفنان أحمد العوضي أفيخاي أدرعي المتحدث باسم جيش الاحتلال الإسرائيلي وذلك بعد نشره فيديو على صفحته لجيش الاحتلال وهو يرقص على أغنية "حلوة يا بلدي" . 

أحمد العوضي يهاجم أفيخاي أدرعي 

كتب أحمد العوضي منشور على صفحته الرسمية عبر موقع التواصل الاجتماعي "فيسبوك" وعلق قائلا "طول فترة الحرب الغاشمة على أهلنا وناسنا في غزة وأنا شايفك بتبيع الباطل وفخور بنصركم المزعوم، ومنزل فيديو امبارح لجيشك وهو بيرقص على نغمة حلوة يا بلدي" . 

وأضاف "أي بلد بقى اللي أنت بتتكلم عليها هو أنت ليك بلد ولا ليك جهة ولا ليك أرض أصلا علشان تبقى حلوة وترقص عليها، البلد اللي جت من وعد بلفور المشؤوم لما كنتوا شوية جرابيع وهلافيت مشردين في العالم كله ف اداكم فلسطين الحبيبة علشان تعملوا عليها الزريبة بتاعتكم .. مش هقول دولة لأن الخنازير مبتعيشش في دول، الخنازير مكانها الزرايب" . 

وتابع: "العيال اللي أنت مصورهم بيرقصوا إنهم انتصروا.. انتصروا على مين، على أطفال عزل ونساء وشيوخ انتصروا في حربهم على المستشفيات والبيوت الآمنة.. وما يفخر المنتصر إلا على الخصم العتيد.. قسما برب السما والأرض إنك لو واقع مع جيش بجد ليجريكم قدامه زي الكلاب البلدي لكن أنتوا شوية أنجاس" . 

واختتم "متكدبش الكدبة وتصدقها وتعيش في وهم أنت أول واحد أنت واللي مشغلك عارف إنه وهم اسمه إسرائيل".