عمرو سلامة يتعاطف مع بيومي فؤاد بعد هجوم الجمهور عليه
علق المخرج عمرو سلامة على الهجوم الذي تم شنه على الفنان بيومي فؤاد بعد هجومه على الفنان محمد سلام بموسم الرياض .
عمرو سلامة يعلق على الهجوم على الفنان بيومي فؤاد
كتب عمرو سلامة منشور على صفحته الرسمية عبر موقع التواصل الاجتماعي " فيسبوك" وعلق قائلا ": مهما غلط أي إنسان ومهما اختلفت شخصيا معاه أو انتقدت مواقفه غصب عني بتعاطف معاه بشدة لو حصل عليه هجوم جماعي ".
وتابع: " الناس اللي بتهاجم أحيانا مش بتحس بحجم تأثير كلامها لإنهم مش بيشوفوه بشكل مباشر وأنا متأكد لو شافوا بعيونهم حجم الحزن والألم اللي بيعدي بيه أي شخصية عامة وهو محطوط ع الجريل هيفكروا مرتين في هجومهم أو حتى في نوع الهجوم أو نبرته ".
وأضاف: " أنا من واقع حياتي شوفت اللي بيعيط واللي بيخش في نوبات اكتئاب ونوبات فزع وشوفت حتى اللي حاول ينتحر ".
واستكمل: " وساعات ده بيكون سبب إنه قال رأي مش موفق أو تحمس لموقف متسرع أو اتفهم غلط أو خد موقف مش حاسب تبعاته أو قال رأي مش واخد ختم النسر من دول أو من دول".
واختتم: " أنا شخصيا عيشت ده كذة مرة ساعات لآراء بعد سنة راجعتها وساعات لتهريج اتفهم إنه جد وساعات لاندفاع عاطفي برأي لو كنت قولته على القهوة كان اتنسى بعدها بربع ساعة، في الأول كان حجم الألم قاسي، دلوقتي لسه برضه بيكون قاسي بس اتعلمت شوية سبل للتعامل معاه ".
