"قطعوا رقبته وسابوه وهربوا".. بلطجية يتعدون علي شاب ويفروا هاربين بالدقي وأسرته:"عايزين حق ابننا" (فيديو)
شهدت منطقة الدقي واقعة مؤلمة حيث تعدي مجموعة شباب خارجين عن القانون بأسلحة بيضاء علي سائق يدعي يوسف، يبلغ 20 عامًا، واحدثوا به إصابات بالغة وفروا هاربين.
وروت والدة المجني عليه "يوسف" لـ"مصر تايمز":"أنا ابني يوسف هو اللي بيصرف عليا أنا وأخواته.. ابني شغال سواق وبيخلص ورديته وبيجي علي البيت علي طول مش بيتأخر بس في اليوم دا اتأخر ولقيتهم بيكلموني يقولولي أبنك في المستشفي متقطع".
وتابعت:"يوسف كان شغال ومعاه زبونة طلبت تنزل من الميكروباص وكان بيركنلها جيه واحد قاله انت بتكسر عليا وأنا هرجع وتوعدله بالشر.. وراح جابله 2 شباب بلطجية عشان يضربوه الشباب راحوا بأسلحة بيضاء وتعدوا علي ابني وسيحوا دمه وسابوه مرمي".
وأضافت:"روحت لقيت أبني مرمي واخد 21 غرزة في رقبته وغرقان في دمه.. الناس كانت واقفة بتتفرج.. دلوقتي ابني محبوس مع المتهمين ونفسي يخرج.. هو اللي تم التعدي عليه مش العكس".
