أحمد العوضي : مفيش مبرر للخيانة

حل الليلة الفنان أحمد العوضي ضيفا ببرنامج حبر سري مع الإعلامية أسما إبراهيم والذي يعرض على قناة القاهرة والناس، حيث كشف أحمد العوضي العديد من التفاصيل في حياته المهنية والشخصية . 

تصريحات أحمد العوضي في حبر سري 

علق أحمد العوضي على الخيانة الزوجية قائلا " مفيش مبرر للخيانة، وهو بيحصل كتير بس لو تسأليني هو ينفع ولا مينفعش أقولك مينفعش، لكن مبررات يبقى أنا كدة افترضت إن فيه حالة موجودة ف أن عندي مبرر أقول بيه" . 

وأضاف " مفيش مبرر يخلي راجل يعرف على مراته واحدة لأن أنت لو مش مبسوط طلق، لأن الراجل بيملك إيه غير هيبته والست تملك إيه غير احترامها " . 

وتابع " وإن الراجل ده لو مش مبسوط يطلق محدش هيقوله حاجة ولكن ميخونش، ومش أنت بتحب ولادك عيش لولادك بقى لأن مفيش حد في الدنيا بياخد كل حاجة " . 

وأوضح " فيه رجالة بتخون وفيه ستات بتخون، يعني مثلا ربنا لما حرم السرقة أو حرم القتل حرمه للراجل وللست، لأن احنا بني آدمين والبني آدم بيغلط سواء راجل أو ست، والغلط مينفعش أحجره على راجل ومينفعش أحجره على ست " . 

وصرح "أنا شايف إن مبدأ الخيانة هو مبدأ مش صح، ولو فيه راجل عايز يتجوز على مراته يروح يقولها ولو رفضت عندك حل من اتنين يا تكمل معاها أو تطلقها وتروح تتجوز التانية، لكن الاتنين على بعض ده مش صح، يعني لو هي وافقت تمام " . 

وأكد النجم أحمد العوضي في تصريحات مسبقة، أن ياسمين عبد العزيز تتفوق عليه حال منافستهم في السينما، قائلا: "لو نزلت بفيلم أمام ياسمين هي اللي هتعمل أكبر ايرادات وأنا ابقى عايزها تعمل الايرادات أعلى مني وأعلى من أي حد وهي تعمل إيرادات كتير دي ياسمين عبد العزيز".

وأوضح أحمد العوضي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن زوجته النجمة ياسمين تقدم أفلام كوميدي بينما هو حال تقديمه أفلام ستكون أكشن، مضيفا: ياسمين تعمل كوميدي وأنا اعمل اكشن وهي تعمل ايرادات أدي 40 مرة وهبقى سعيد جدا لها".

وتابع: "شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح، واتمنى كل النجوم تعمل افلام ومسلسلات والمهم اطلع من الموسم ناجح وعملت الدور بشكل جيد".