"العوضي" يعلق على الانتقادات الموجهة له حول أغلبية جمهوره من الطبقة الشعبية: فخور بيهم
علق الفنان أحمد العوضي على الانتقادات الموجهة له أن أغلب جمهوره من الطبقة الشعبية وذلك من خلال ظهوره ضيفا ببرنامج حبر سري مع الإعلامية أسما إبراهيم والذي يعرض على قناة القاهرة والناس .
أبرز تصريحات أحمد العوضي
قال " الفنان أحمد العوضي دي حاجة أفخر بيها وإن مفيش حاجة في الدنيا بتيجي صدفة والموضوع جيه معايا واحدة واحدة " .
وأضاف " أنا أول حاجة عملتها شعبي كان دور محسن الدسوقي في السبع وصايا في سنة 2014، وبعد كدة عملت شخصية أكمل في نصيبي وقسمتك، وبعد كدة عملت ظابط شوية، وبعد كدة عملت بروسلي في 2019، وعملت إرهابي، وبعدين عملت شعبي، وبعد كدة عملت صعيدي " .
وتابع " أقرب حاجة ليا من اللي قدمته الشعبي لإن الشعبي شبهي، والصعيدي بحبه جدا يعني أنا بحب الكوماندا جدا، والصعيدي أرهقني في تناول الدور، لكن الشعبي بالنسبة لي هو شبهي أكتر من الكوماندا ".
ووأكد النجم أحمد العوضي في تصريحات مسبقة، أن ياسمين عبد العزيز تتفوق عليه حال منافستهم في السينما، قائلا: "لو نزلت بفيلم أمام ياسمين هي اللي هتعمل أكبر ايرادات وأنا ابقى عايزها تعمل الايرادات أعلى مني وأعلى من أي حد وهي تعمل إيرادات كتير دي ياسمين عبد العزيز".
وأوضح أحمد العوضي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن زوجته النجمة ياسمين تقدم أفلام كوميدي بينما هو حال تقديمه أفلام ستكون أكشن، مضيفا: ياسمين تعمل كوميدي وأنا اعمل اكشن وهي تعمل ايرادات أدي 40 مرة وهبقى سعيد جدا لها".
وتابع: "شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح، واتمنى كل النجوم تعمل افلام ومسلسلات والمهم اطلع من الموسم ناجح وعملت الدور بشكل جيد".
