أحمد العوضي عن فقدان والدته: غياب أمي خلى شخصيتي ناشف شوية

علق الفنان أحمد العوضي على أثر فقدان والده عليه وهو في مرحلة الطفولة وذلك من خلال ظهوره ضيفا ببرنامج حبر سري مع الإعلامية أسما إبراهيم والذي يعرض على قناة القاهرة والناس . 

تصريحات أحمد العوضي في حبر سري 

قال الفنان أحمد العوضي: " غياب الأم ممكن يأثر في إن تخلي شخصيتك ناشفة شوية، لإن أنا علشان اتربيت مع أبويا وأخويا وكنا 3 رجالة في البيت، فممكن ده أثر في نشأتي في إن أنا ممكن أكون ناشف شوية ". 

وأضاف "  ولكن بتحتاج في وقت حتى لو أبويا قام بالدورين بالنسبة لي وعمل اللي عليه وأكتر، لكن أنت بتفتقد إن أنت عايز تحكي لأمك حاجة، وكنت بعمل ده في مسلسل علشان أعوض بيها نقص كان عندي ". 

وتابع: "مشاهدي مع أستاذة سهير المرشدي في مسلسل ضرب نار كنت بتعامل معاها إنها أمي، ف الكلام ده ممكن أكون معيشتهوش بس ممكن أعيشه في الدراما، لكن دي أحاسيس أنا افتقدتها من صغري، لكن دي إرادة ربنا ". 

وأوضح: "قلبي جامد في الحاجات اللي تخصني، لكن لو شوفت حد عيط أنا أتضايق، يعني أنا ممكن عيني تدمع علشان شوفت واحد أو واحدة بتعيط، لكن أنا معيطش على حالي ". 

وأكد النجم أحمد العوضي في تصريحات مسبقة، أن ياسمين عبد العزيز تتفوق عليه حال منافستهم في السينما، قائلا: "لو نزلت بفيلم أمام ياسمين هي اللي هتعمل أكبر ايرادات وأنا ابقى عايزها تعمل الايرادات أعلى مني وأعلى من أي حد وهي تعمل إيرادات كتير دي ياسمين عبد العزيز".

وذكر أحمد العوضي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن زوجته النجمة ياسمين تقدم أفلام كوميدي بينما هو حال تقديمه أفلام ستكون أكشن، مضيفا: ياسمين تعمل كوميدي وأنا اعمل اكشن وهي تعمل ايرادات أدي 40 مرة وهبقى سعيد جدا لها".

وتابع: "شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح، واتمنى كل النجوم تعمل افلام ومسلسلات والمهم اطلع من الموسم ناجح وعملت الدور بشكل جيد".