ماجدة خير الله لـ " مصر تايمز" عن فيلم نابليون : قدم الجانب الإنساني له
كشفت الناقدة الكبيرة ماجدة خير الله عن رأيها في الضجة المثارة على فيلم Napoleon وذلك بعد عرضه الأسبوع الماضي يوم الأربعاء الماضي 22 نوفمبر بدور العرض الأمريكية ويوم الخميس الماضي 23 نوفمبر بدور العرض المصرية .
ماجدة خير الله تعلق على ضجة فيلم Napoleon
وقالت الناقدة ماجدة خير الله في تصريحات خاصة لـ " مصر تايمز " : " الفيلم فيه جهد كبير والمعارك فيه كانت فاخرة وفيه رصد لرحلة نابليون من انتصاراته إلى انهزاماته إلى علاقته بزوجته وضعفه أمامها، والفيلم كان بيقدم نابليون الإنسان اللي بيمزج بين القوة والضعف " .
وأضافت " هو فيلم جيد ولكن الناس كان عندها توقعات أكبر من اللي حاصل يعني، لكن متقدرش تقول إن الفيلم سئ " .
وتابعت " الناس تصورت إن نابليون هيبقى التركيز على صراعاته والمعارك والاستعداد للمعارك وهكذا، ولكن كل مخرج بيختار هو عايز يقدم أي جانب من الشخصية، فتوقعاتي أو اللي في خيالي إن أنا هشوفه ملوش علاقة باللي عايزه المخرج، المخرج عايز يقدم اللي قدمه ده " .
وأوضحت " وإن مفيش مشكلة في السيناريو لأن المخرج كان عايز يقدم جانب معين من الشخصية المعروفة تاريخيا، الناس هتتوقع إن أنت هتتكلمفي السياسة والمعارك والحروب وهكذا، هو المخرج وهذا حقه تماما يقدم لحظات ضعفه الإنساني أمام زوجته وهي المرأة التي أحبها " .
واستكملت " هو عاي يقول إن كل رجل عظيم له نقطة ضعف فد تكون حبه لشخصية معينة زوجت أو حبيبته أو عشيقته، وده مش نقطة ضعف للفيلم، هو بيعمل فيلم علشان يقول كدة، يعني فين المشكلة في كدة " .
وصرحت " مسألة الحرب اتقدمت وهتتقدم عن نابليون أو عن أي قائد في أفلام كتيرة ومسلسلات، بس هو عايز ياخد الجانب الإنساني اللي بيقول إن هذا رجل رغم تأثيره في التاريخ إلا إنه عنده نقطة ضعف إنساني وهي عشقه لسيدة معينة وهي زوجته " .
وأضافت عن وجود أخطاء تاريخية بالفيلم " الفيلم ليس له علاقة بالتاريخ أو الجغرافيا ودي حاجة يسأل عليها المخرج وكاتب السيناريو، وأنا لا أعتقد إنهم غافلين على ده "
