أبرز تصريحات هاني عادل في برنامج "معكم": أول ما إتولدت كان إسمي عصام.. ومبثقش في حد من زمان

حل الفنان هاني عادل ضيفا بالأمس في برنامج"معكم" المذاع عبر فضائية"cbc"مع الإعلامية منى الشاذلي، وقد تحدث عن مقابلته للمصارع الأمريكي جون سينا، وعن حبه  للنجم العالمي جاكي شان،  وتعاونه معا في عمل فني، وتحدث أيضا عن أول مقابلة بينه وبين زوجته الفنانة اللبنانية دياموند بو عبود في تفاصيل يكشفها لأول مرة، وقام بغناء عدد من الأغاني الأجنبية  في  إحدى فقرات البرنامج، ومن أبرز هذه التصريحات:

أبرز تصريحات هاني عادل في برنامج "معكم"

1-أول ما إتولت كانوا مسميني عصام في شهادة الميلاد، لكن والدي غيروا   لهاني.

2-الخذلان صعب لما  يكون من القريبين.

3-أنا عندي Trust issues من زمان.

4-دايرة ثقتي في عيلتي وقرايبي.

5-كنت بحب جاكي شان من وأنا صغير، وكنت بحط صورته في أوضتي.

6-كان والد بيوديني كل يوم اتفرج على3 أو  4 أفلام لجاكي شان في نفس السينما ، علشان كان عايزني إتعلم الكاراتية.

7-مكنش عندي بدلة كاراتية، وأبويا جابلي بيجامة قالي دي بدلة كاراتية.

8-جوازي ساعدني ألاقي نفسي كبني آدم.

9-وكل ده بيقوم على إن لما بتتكلمي مع شريك حياتك بتلاقيه بيسمع.

10-ولما بيشوف في عينيك حاجة بيفهمها حتى لو مش عارف تقولها.

11-بيتعامل معاك على إنك بني آدم في الأول، مش إنك حد عنده مسئوليات لازم يعملها.

12-ومن المعاملة دي بنعرف كل واحد فينا محتاج أيه، ومحتاج يعطي للتاني أيه.

13-غيرت إسمي مراتي من ديامو لـ"دياموند".

14-إسمها الحقيقي فرنساوي، ومعناه ألماظ.

15-بس هي بتحب ديامو علشان إسمها الحقيقي، ودياموند.

16-كنا بنعمل مع بعض مسلسل إسمه"سهام المعركة"بس عمرنا ما إتقابلنا.

17-ما إتقبلناش غير في موقف واحد بالصدفة في يوم كنا مسمينه يوم الإعدام.

18-كان عندنا وقتها مشهد كان كل اللي في المسلسل  كان بيطلع على المسرح ويتعدم في نفس اليوم.

19-كنت معدي في التصوير يومها لقيت شريف سلامة، وسلمت عليه لقيت دياموند قاعدة خايفة، وبتبص للسكينة.

20-دياموند نفس برجي.

21-كنت وقتها مركز في شغلي، ومش مرتبط.

22-ومن ساعتها متقبلناش تاني غير في مهرجان الجونة.