تفاصيل مقتل طالب جامعي على يد ثلاثة أشخاص من جيرانه بالغربيه
صرح نبيل مشالى والد المجني عليه محمد نبيل والذي لقى مصرعه على يد ثلاثة أشخاص من جيرانه بسبب لهو الأطفال لمصر تايمز : انا لاقيت محمد من تلت ايام بيتصل بيا بيقولى الحقنى يابابا فيه ناس هيعملوا معايا مشكلة ويدعوا "احمد .و" "فارس .د" وشقيقه "مروان د" قولتله ليه يامحمد قالى كانوا بيحدفوا طوب على ناس جيرانا وانا راجع من الجيم ومحمد طالب في سنه تانيه كلية تجارة وبيشتغل معايا في المصنع وبيروح الجيم ويرجع على الساعه 11باليل واحنا ناس كلنا من حملة القرآن يوم الواقعه ومحمد راجع وهما كانوا بيحدفوا طوب ، والناس دى متمرسه في الإجرام وليهم واقعة قتل قبل كده وعارفين بيعملوا ايه وعندهم القتل سهل جدا.
وكل الناس عارفاهم كويس مع العلم انهم من عيلة محترمة جدا وناس قيمة. وقامه عاليه جدا وناس أفاضل وناس محترمه لكن كل عيله لازم يكون فيها حد مش كويس ويتابع قائلا عندما تلقيت الاتصال من ابني بيقولى يابابا تعالالى عند أحمد العزب قاله أحمد العزب حاف كده
"وشتمه " ولحظه وسمعت ابنى قال اه على مانزلت قابلت ابنى وكان فيه شخص مسنده ولما قابلته قاله سيبنى عشان بابا وجيت امسكه من ايده وقع على الأرض بقوله مين ضربك مش عاوز يقول خوفا عليا وقالى انا بموت يابابا كل ده وانا معرفش أن فيه سكاكين في جسمه واحنا ناس مؤمنين ونعرف يعني ايه حرمة الدم وكلنا من حملة القرآن حرمة الدم دى عند الله أشد من هدم الكعبة وانا فوضت امري الى الله ابني لما راح المستشفى لفظ أنفاسه الأخيرة والواقعه حصلت الساعه 12باليل وانا بطالب بسرعة القصاص لابنى وكلى ثقه في قضاءنا العادل .
https://fb.watch/pbVc4tznWq/?mibextid=9R9pXO
تعود الواقعه عندما شهدت قرية شرشابه التابعه لمركز زفتى بمحافظة الغربية واقعه مأساوية عندما لقى طالب جامعي مصرعه على يد ثلاثة أشخاص من جيرانه بسبب لهو الأطفال.
تلقت الأجهزة الأمنية بمديرية أمن الغربية إخطارا من مأمور مركز شرطة زفتى يفيد بورود بلاغ من نقطة شرطة مستشفى زفتى العام بوصول شاب في العقد الثاني من عمره مصاب بطعنتان في البطن وبه إصابة بالرأس وفور وصوله المستشفى لفظ أنفاسه الأخيرة متأثرا بإصابته تم التحفظ على الجثمان داخل ثلاجة المستشفى تحت تصرف النيابة العامة وكلفت إدارة البحث الجنائي بالتحري والبحث عن ظروف وملابسات الواقعة وتم التصريح بالدفن وتسليم الجثمان إلى ذويه ودفنه بمقابر الأسرة.
