زينة تدعم يسرا اللوزي بعد تعرض ابنتها للتنمر
الثلاثاء 29/ديسمبر/2020 - 11:31 م
تضامنت الفنانة زينة مع صديقتها الفنانة يسرا اللوزي، بعد تنمر أحد متابعي يسرا اللوزي على إبنتها ووصفها بـ"الطرشة".
وقالت زينة معلقه: "عارفين يعني ايه ام، يعني حب وتضحية ومعاناة وعطاء وتعب ومسؤلية وحاجات كتير مالهاش وصف.. عارفين يعني ايه طفل او طفلة!!! يعني مستقبل وحياة وعمر جاي وتفاؤل وحب.. عارف يعني ايه تعاير طفلة".
وتابعت: " يعني الشيطان نفسه يخجل انه يعمل كده يعني انت لا شيطان ولا بني ادم انت حاجه مالهاش وصف انت مخلوق ضعيف ومريض مرض مالوش تشخيص لان اي مخلوق حتي الشيطان اشرف منك انت وامثالك مكانكم المجاري ولو ان المجاري فيها كائنات حيه اشرف منك ...الطفلة دي ميزها ربنا واختبر امها اختبار صعب نجحت وجاهدت وحاربت واشتغلت علشان تقف جنب بنتها اللي مايشرفهاش تعرف امثالك منك لله وربنا هو اللي قادر ينتقم منك يا معدوم القلب والضمير".
