عايز أعرف ولادى أكلوا إيه.. مواطن يحذر من التعامل مع " كارفور"

حذر مواطن من التعامل مع كارفور مصر ،  بعد تعرضه لواقعه شراء منتج مفتوح مع تعنت الإدارة من حل المشكلة، على حد قوله.

واستعرض المواطن مشكلته عبر السوشيال ميديا قائلا" السادة المحترمين في كارفور Carrefour Egypt على كل المستويات سواء فيالفرع او في التليفون او على سوشيال ميديا  اتفقوا جميعاً ان لو عميل اخد من عندهم منتج بايظ ( تحديداً أغذية ) و ملعوب فيه ف ده امربسيط لا يستدعي حتى انهم يتصلوا بيك يعتذروا او يعرفوك  اولادك أكلوا ايه !

اللي عايز يفهم ايه اللي حصل  يوم الجمعة ٥ يناير

لقيت فرع جديد فتح قريب مني ( فرع سراي القبة امام محطة المترو )  دخلت اتفرج عليه و خدت شوية حاجات من ضمنها علبة جبنة مزارعدينا و حاسبت بالفيزا و روحت".

وتابع ، "يوم الاحد الصبح مراتي بتحضر الفطار لقت العلبة مفتوحة * و حد دابب صوابعه فيها * ! في الاول افتكرت انه حد من الاطفالاللي كانوا في البيت يوم الخميس  و عملت منها سنداوتشات للاطفال فطروا بس لما عرفت ان الجبنة اشتريناها يوم الجمعة يبقى العلبة جايةكده من الفرع ! نزلت الفرع و طلبت اقابل مدير الفرع - سبحان الله اول واحد سألته قالي أنا مدير الفرع ! مش متاكد طبعاً من ده - الاستاذ سألني على اللي حصل حكيتله و طلبي كان محدد " * عايز اشوف الكاميرات افهم ايه اللي حصل و مين للمسؤول عنه ! أنا ولاديأكلوا ايه * " ."

واستطرد،" سابني و اختفى شوية يراجع الكاميرات و رجع معاه شخص عرف نفسه انه مسؤول الامن - الله اعلم بردو هو اللي قال - فيالبداية اعتذروا و عرضوا يدوني علبة تانية ! وضحت اني مش عايز علبة تانية أنا عايز اشوف ولادي أكلوا ايه و ايه اللي حصل ! قاليالكاميرا مش موضحة و حد واقف بضهره قولتله أنا عايز أشوف الكاميرا و اعرف ده عميل ولا ده حد من الفرع و ايه اللي عمله في العلبةاللي ولادي أكلوا منها رفض رفض قاطع وقالي انت مكبر الموضوع ! قولتله انا كده من حقي افرض ان حصل حاجة فادحة و انت بتخلبيهاعليا و لو مشوفتش الكاميرا هعمل شكوى و هشير الواقعة على الميديا عشان الناس تعرف ممكن يحصلهم ايه لو اتعاملوا معاكم بحسن نية ! قالي " * في الحالة ديه هنقول ان مفيش حاجة حصلت و انت واخد العلبة مقفولة و مفيش دليل على كلامك * " انا ساعتها جالي ذهول ! وقولتله أنا واضح اني بتكلم مع الشخص الغلط".

وتابع،" عملت شكوى على الخط الساخن و اخدت وعد انهم هيردوا عليا بعد ٢٤ ساعة كلمتهم بعد ٤ ايام قالولي الشكوى اتقفلت و خدنااجراء داخلي ! اتقفلت ! فين العميل كده ؟ هو أنا كنت بفتش ع الفرع و لقيت حاجة غلط ببلغكم بيها ؟ أنا حصل معايا خطأ و حصل بعدهتجاوز و قابلت ناس غير مسؤولة بتقولي لو اشتكيت احنا هننكر اللي كنت بناكده و بنعتذر عنه حالاً ! الموظفة اعتذرت و وعدتني انهمهيتصلوا و هياخدوا اجراء و اكدت عليها " أنا طلبي أشوف ايه اللي حصل و اعرف ولادي أكلوا ايه !".

وقال،"كالعادة محدش سأل و واضح ان اللي حصل اقذر و اسوأ من انكم تواجهوا بيه العميل !البوست ده تحذير من التعامل مع ناس مشبتحترمك ولا أمينة عليك ولا يجب بأي حال من الاحوال انك تاخد منهم حاجة لاهل بيتك الله اعلم حصل فيها ايه قبل ما توصلك !".