أحمد يونس من معرض الكتاب: كان نفسى أعمل حاجة للأطفال ومحبط من شركات الإنتاج
شهدت قاعة "ديوان الشعر" في معرض القاهرة الدولي للكتاب في دورته الخامسة والخمسين، ندوة الإعلامي أحمد يونس ورضوى شريف نجله الإعلامية الراحلة سلوى حجازى، للحديث عن تجاربهم الإبداعية في كتابة قصص الأطفال، وذلك ضمن برنامج المؤسسات الثقافية.
وقال الإعلامى أحمد يونس:"كل كتاب ليا بينزل يبقى أكثر من 6 أو 7 نسخ عندى فى البيت بعدل عليهم بفضل أكتب و أعدل، أنا إنسان عادى وبسيط ولما أشوف 12 ألف شخص فى حفل توقيع أول كتاب ليا اغم عليا و دخلت المستشفى و قولت هو أنا استاهل الحب ده كله".
وتابع "يونس": "طول الوقت كان نفسى أعمل حاجة للأطفال وكنت محبط أن شركات الإنتاج دائما تقولى برامج الأطفال مبتجبش فلوس، لازم اجارى العصر و أنا بكلمة ودائما عينى على أولادى و أنا بكلم الأطفال في البرنامج، ومن صغرى بحب بقلوظ شخصية الكارتون مع ماما نجوى قولت ليه ميبقاش معايا فى البرنامج شخصية الكارتون وسميته زيتون وبقي مشهور عند الأطفال و الكبار".
من جانبها قالت رضوى شريف نجله الإعلامية الراحلة سلوى حجازى: "إن الكاتبة الراحلة بدأت حبها للأطفال من البيت عندنا لان فى حاجة ثابتة و هى حدوتة قبل النوم، وعملت برنامج عصافير الجنة، وهى شخصية واحدة على طبيعتها نفس البرنامج نفس البيت".
وتابعت "رضوى": "بستغرب مفيش أى برنامج للأطفال بعد ماما سلوى و ماما نجوى، وكانت ماما بتستمد أفكار البرنامج من البيت وماما سلوى كانت بتعد للبرنامج بنفسها سوا عصافير الجنة أو برنامج أخر ، وكل مصروفها كله رايح على الكتب وحبيبت عندنا من صغرنا حب القراءة".
