أحمد حسن يعلق على انتقاده لمحمد صلاح.. ويكشف سر علاقة ابنه بالفرعون

علّق أحمد حسن كابتن منتخب مصر لكرة القدم السابق، على الانتقادات التي وجهها للاعب محمد صلاح، عقب إعلان مغادرته معسكر المنتخب خلال البطولة الإفريقية في كوت ديفوار، لتلقي العلاج مع ناديه ليفربول الإنجليزي.

هل ندم أحمد حسن على انتقاده لمحمد صلاح؟

وأوضح حسن خلال حواره ببرنامج "معكم منى الشاذلي" على قناة ON،  أن حديثه عن صلاح لم يكن انتقاداً لاذعاً ولا شخصياً، بل هو حديث عن موقف بعينه، قائلاً: "أنا بحب صلاح جداً.. لما باجي أضرب لابني مَثل ونموذج ناجح بضرب له مَثل بصلاح مش بيا.. بقوله اتعلم من العقلية دي ازاي تنجح".

أضاف: "أنا في الحلقة اللي قبلها كنت بدافع عن صلاح باستماتة.. بس الناس دايما بتركز على النقد فقط.. وعموماً وقتها كان في تضارب في الأخبار، خاصة إن التصريح جه من ليفربول الأول.. لكن اللي قلته واللي مقتنع بيه إن وجود صلاح كقائد للفريق ده مهم.. إنه لازم يستمر مع الفرقة طالما الإصابة بسيطة، لأن القائد ده ملهم للاعيبة".

تابع: "بعدين اتقال العلاج هناك أفضل وكده.. طيب ما هو لحد الآن صلاح ملعبش اومال فين العلاج الأفضل؟ محدش بيقول إنه بيتمارض.. أنا قلت كابتن المنتخب يفضل مع المنتخب كدعم لزمايله".

واختتم أحمد حسن حديثه قائلاً: "في ناس بتهوى التطبيل بدون داعي، ويقولك ازاي تتكلموا على صلاح.. يا جماعة الموضوع أسهل من كده.. إحنا بننتقد موقف مش حاجة شخصية، ما دام بتقول وجهة نظرك باحترام".