أمير مرتضى: لو الأهلي عرض عليا عمري ما أقبل.. ومعنديش رؤية غير للزمالك بس
علق أمير مرتضى، المشرف السابق على الكرة بنادي الزمالك، على فكرة انتماء اللاعبين لبعض الأندية قائلًا: “فكرة الانتماء دي في المدرجات بس، اما مستوى المحترفين واللاعيبة ده بالنسبه له أكل عيش وهيموت نفسه ويجري يبوس التيشيرت، لكن جوه قلبه بيحب مين عمرنا ما نعرف”.
وأضاف "أمير" في تصريحات تليفزيونية: "ومثال كابتن حسام حسن من أساطير الأهلي ولعب في الزمالك واجتهد وكان ساعتها زملكاوي من جواه، لمن اللاعيبة مع الوقت بتنسى قصة الانتماء دي، وإمام عاشورحاليًا يتظاهر انه اهلاوي، لأنه هيكسب وهياخد مكافأة فا عمره الافتراضي هيطول، ودي حاجة في العالم كله".
وتابع: "يعني لويس فيجو كان كابتن برشلونة وراح ريال مدريد والجمهور هدده بالقتل، الجمهور بس اللي بيشجع وبيتحرق دمه، ولو جالي الاهلي أو عرضوا عليا مش هروح ولا اقبل، لان السياسات مش هبقى فاهمها وانتمائي، ومعنديش رؤية غير للزمالك بس، وشيكابالا مضى في الاهلي زمان ومقدرش يلبس التيشيرت، وفيه ناس بتعرف تبقى محترفين أكثر في التعامل".
