الفنان شريف خير الله: مكنتش لاقى أصرف على ولادي.. وفجأة ربنا كرمني بـ "الاختيار"

روى الفنان شريف خير الله تفاصيل عدة مواقف إنسانية مر بها وأثرت فيه بشكل كبير، وقال خير الله خلال استضافته ببرنامج "كلم ربنا.. مع احمد الخطيب" على الراديو 9090، انه تعرض لحادث سيارة صعب من عدة سنوات، مضيفا: "علاجي استغرق شهور.. واختفيت عن الانظار لدرجة كتابة اخبار على المواقع والصحف  بأني تُوفيت وكانت السويشيال ميديا بتترحم عليا لدرجة ان أحد الأصدقاء شافني صدفه اتخض اني لسا عايش".

الفنان شريف خير الله يروي أصعب أزمة مر بها: مكنتش لاقى أصرف على ولادي.. وفجأة ربنا كرمني بـ "الاختيار"

وكشف خير الله تفاصيل ازمة مرض والده التي اثرت على عمله، وقال: تركت الشغل ومكنش عندي اللى اصرف بيه على اولادي وبنام بليل وانا بعيط بالدموع لكن كان عندي ثقة تامة ان ربنا مش هيسيبني.. وكنت بكلمه اقوله انت الرزاق .. خليك جنبي .. فك لى ضيفتي.. وفجأة وصلني اتصال من جهة عمل عشان اتعاقد على مسلسل كبير جدا وعمل فني مهم هو (الاختيار).. مكنتش مصدق نفسي .. وقعدت اقول الحمد لله وسجدت لربنا سجدة شكر .. وأدركت بالفعل ان ربنا جنبي وكان سامعني". 

وأشاد الفنان شريف خير الله ببرنامج كلم ربنا قائلا: برنامج كلم ربنا فكرة مهمة للناس علشان يتعرفوا على تجارب بعض ويشوفوا أد ايه ربنا بيقف مع الناس ويسترها معاهم وينجيهم.