مسمينه بيخطف البنات.. واقعة جديدة لفتاة مع سائق بشركة أوبر
بعد فتاة الشروق " حبيبة الشماع" ورحيلها عقب إلقاء نفسها من سيارة أوبر ، حذرت فتاة من التعامل مع سائق يعمل بشركة أوبر وشركة إندرايف فى نفس الوقت مستعرضه الواقعة التى تعرضت لها.
وقالت صاحبة الواقعة “ حبيبة أسامة” وهى تستعرض ما حدث لها قائلة، " كنت طالبه ان درايف للمطار من اكتوبر قالي اطلبي ب اوبر عشان ادخلك جوا المطار لان ان درايف مش هيدخلك جوا و اللوكيشن بايظ فيه و قالي انه ممكن يدخلني جوا بس ادفعله اكتر قولتله لا ف قالي طب اطلبي و انا هقبل و عملنا كده فعلا ".
وتابعت ،" طول الطريق قاعد يدخلني في طرق غريبه و حركاته غريبه و متوتر و فضلت اتصل ب ماما و اخواتي و بعدين دخل طريق مصنع و حته مقطوعه فسالته وانا بكلم ماما هو ده طريق صح قالي اه بعدها لف و رجع عالطريق السريع .. فضلت ساعتين بيلف بيا فالاخر قالي ممكن تغيري اللوكيشن قدام الصاله قولتله مش عارفه ف خد الموبايل و غيره هو لمكان تاني اصلا و بقى السعر ٥٠٠ جنيه لما قولتله ازاي قالي ممكن تنزلني هنا وقف وبعدين مشي قالي هنزلك قدام المطار قولتله لا هنزل هنا عشان اعرف اطلب واحد تاني و هديك فلوسك و مكانش راضي يقف غير انا زعقتله نهى الرحله وقالي مش هيديني شنطتي اللي فشنطة العربيه غير لما ادفعله ٥٠٠ جنيه و فضل يزعق كتير فاديته الفلوس عشان الحق الطياره لانه قعد يلف بيا ساعتين و سابني في مكان كله عربيات نقل فالاخر! ".
وارفقت الفتاة صور من الايميلات بينها وبين شركة أوبر ، وصور السائق، ولوكيشن الطريق.
