وفاء عامر: كل ست اختارت راجل تحافظ عليه.. ولو خانها تبقى هي السبب

أكدت الفنانة وفاء عامر، على تصريحاتها السابقة، بأن الزوجة هي السبب في خيانة الزوج، مطالبة الجمهور بفهم تصريحاتها أولاً.

وفاء عامر: كل ست اختارت راجل تحافظ عليه.. ولو خانها تبقى هي السبب

وأضافت وفاء عامر، في مداخلة هاتفية، مع الإعلامية نهال طايل، ببرنامج تفاصيل، المذاع على قناة البلد2، قائلة: «أنا عايزة الناس تفهمني؛ لأن أحيانًا كلامي بيحمل معنييّن، أو الناس بتأخذ كلامي في سكة لوحده، أنا اللي أخترت الراجل، فعليا أحافظ عليه، انا اللي أخترت الراجل فلو اختياري كان غلط فيبقى أنا السبب اللي خليته خانّي، أنا اللي اخترت الراجل فلازم يبقى بيني وبينه الأخد والعطاء اللي مايخلهوش يخونّي».

وأوضحت وفاء عامر قائلة: «مبقاش كاتمه على نفسه، ومخلياه مش عارف يروح يقابل أصحابه وابقى مقصرة في شئون بيتي، كل واحد عليه حاجات مانبقاش مضايقين بعض، كوني صاحبه لزوجك هيكون صديق وفي، كوني له أم هيكون ليكي أب عظيم، خليه أخوكي اللي بتخافي عليه، هيخليكي أخت ويحطك على راسه ولا يقبل ليكي بالإهانة».

وناشدت وفاء عامر الزوجات، قائلة: «تعالوا نعمّر،، نسب الطلاق ارتفعت جدًا ايه ده؟، وفي الآخر الطفل هو اللي بيشرب المآسي، الطفل اللي بيطلع فيه جزء معقد، ولو أنا السبب عليا إني استحمل وأربي ابني وأربي بنتي علشان أنا اختارت غلط، وخلاص انتهى زمن إن الأب يمضي بنته بالعافية، والقانون بيحمي المرأة».