سامي مغاوري: بدأت تراجيدي.. وخالي اكتشف موهبتي في سن 7 سنوات
قال الفنان سامي مغاوري، إنه لم يكون كوميديان في بداياته الفنية بل بدأ تراجيدي عبر مسرح الجامعة وقدم الكثير من الادوار الجادة ثم أتت مرحلة الكوميديان في مسرح الطليعة مع اكتشاف سمير العصفوري له في الجانب الكوميدي “.
تابع مغاوري، في تصريحات تليفزيونية، “من بداياتي من عمر سبع سنوات وهو عمر طويل من العطاء الفني وبدأت إذاعة في عمر سبع سنوات وخالي أحمد زكي كان مخرج إذاعة قبل أن يترقى ويصبح وكيل وزارة ثقافة وأستاذ أكاديمية الفنون شافني وانا طفل بمثل في البلكونة وماسك عصايا وبلعب بيها فسألني أنت بتحب التمثيل ؟ مكنتش فاهم يعني إيه تمثيل تاني يوم أخذني الإذاعة “.
واستطرد : وقفت تاني يوم أمام كبار ولم أكن أعرف من هم كنت لسه صغير في تانية ابتدائي مبعرفش أقرأ سكربت جابولي مدرس لغه عربية إسمه نظير عبد الجابر الله يرحمه كان بيحفظني المسامع ويقف جنبي ويغمزلي في كتفي عشان أتكلم”.
وأكمل: ” وقتها كنت طفل صغير اقف قدام ناس كبيرة وبعد ماخلصت التمثيلية كنت واقف على صناديق حاجة ساقعة فاضية ولابس شورت وقميص نص كم وصندل لما رحت البيت أبويا سألني مثلت قدام مين ؟ قلتله مش عارف “.
وأردف : ” في السهرة الإذاعية يوم الخميس كنا نعد بقى سمعوا التمثيلية كان الابطال هم صلاح منصور وزوزو نبيل وحسن البارودي والاستاذ الدكتور نبيل الألفي وده أول عمل عملته “.
وأضاف: تان عمل أعمله رحت المسرح القومي أعمل مسرحية إسمها ملك القطن بطولة عبد الله غيث سامية رشدي دول أبطال أول عمل مسرحي.
