بيسرقوا وهما فى مكانهم.. فتاة تفضح أوبر بعد تسريب بياناتها
حذرت فتاة تدعى "دعاء فتحى" من شركة أوبر بعد تسريب بيانات البطاقة الائتمانية الخاصة بها والمربوطة على أبلكيشن أوبر.
وقالت الفتاة عبر صفحتها الشخصية على موقع التواصل الاجتماعى " فيس بوك" ،"انا حصل احتيال لبياناتي من خلال شركه اوبر واتسحب من الفيزا المربوطه علي الابلكيشين اكتر من مبلغ ..امبارح لاقيت البنك بيبعتلي رسايل ان بيتم خصم فلوس لابلكيشن اوبر، مع العلم اني مكنتش مستخدمه الابلكيشين في الوقت ده.. في لحظتها حذفت الفيزا من الاكونت اتفاجئ ان الابلكيشين عمل بلوك للاكونت بتاعي ورافض يخليني ادخل مره تانيه، وفي وقتها رقم امريكي فضل يتصل بيا اكتر من مره".
وتابعت،"تم الاتصال بالبنك ووقفت الفيزا وفتحت تحقيق ولكن مفيش اي تاكيد لو الفلوس اللي اتسحبت دي هترجع ولا لا طبعا الشركه المحترمه اوبر ملهمش رقم شكاوي ومش عارفه اوصل لحد فيهم وبعتلهم اكتر من ايميل وتواصلت مع الصفحه بتاعتهم وبيردوا بمنتهي البرود وبلغوني اقدم شكوي وهيتواصلوا معايا وقدمت وعدي اكتر من ٢٤ ساعه بدون رد او حل ولحد دلوقتي انا معرفش ازاي ده حصل وايه السبب وازاي شركه كبيره زي دي ميبقاش عندها بربع جنيه امان لبيانات العملاء ".
وقالت محذره الأخرين،" اي حد رابط الفيزا بالابلكيشن يحذفها فورا عشان واضح انهم مش بس بيخطفوا ويقتلوا الناس لا بقوا يسرقوهم وهما في مكانهم كمان".
