أفشة: عايز اسمي يتذكر في تاريخ الأهلي.. هنكسب البطولة ونفرح الجمهور

تحدث محمد مجدي أفشة لاعب فريق النادي الأهلي، عن مباراة الترجي في ذهاب نهائي دوري أبطال إفريقيا وهو النهائي الثالث له مع الأحمر.

ويلتقي الأهلي مع الترجي في ذهاب نهائي دوري أبطال إفريقيا يوم 18 مايو الجاري، على ملعب رادس بتونس، على أن تقام مباراة العودة يوم 25 من نفس الشهر في القاهرة.

تصريحات أفشة 

وقال أفشة في تصريحات نشرها النادي الأهلي عبر وسائل التواصل الاجتماعي: “ جمهور الأهلي بيساند اللاعبين والأهلي في كل مكان ، عندنا نهائي وأنا بطمن الجمهور اننا هنعمل كل حاجه نقدر عليها عشان نفرح الناس دي ، لازم نتعب كلنا عشان ناخد البطولة ، وان شاء الله ربنا يكرمنا في البطولة دي ونحققها".

وأضأف أفشة:" أنا واحد من الناس اللي بتتمنى الحصول على هذه البطولة لأنها هتكون البطولة رقم 4 في دوري الأبطال بالنسبة لي في 5 سنين مع الأهلي".

وواصل أفشة :" عايز اسمي يتحط في تاريخ النادي الأهلي، وعايز اسمي يتذكر بالبطولات".

 واختتم :"طول مانت في الأهلي أنت في نعمة كبيرة لازم تعمل بطولات وتسيب ذكرى لاسمك في تاريخ الأهلي ، ومحتاجين ناخد البطولة علشان كل واحد يفرح أهله وأصحابه وكلنا ان شاء الله نفرح".