مشيرة إسماعيل عن عادل إمام: فى الشغل معندهوش ياما ارحمينى

قالت الفنانة مشيرة إسماعيل أنا بحب أعمالى مع عادل إمام وصورنا "دموع فى عيون وقحة" فى السويس وكل المجموعة كانت حقيقية وقابلنا أحمد الهوان نفسه هناك وكان فاتح مكتب فى المينا.

وأضافت خلال حلقة خاصة بالزعيم عادل إمام على قناة دى إم سى: مسلسل دموع فى عيون وقحة حالة بجد، كنا شلة كبيرة وكنا نشرب مع بعض عصير فى شارع فؤاد وكنا بنحب بعض جدا جدا وبنتمنى لبعض الشهر والحمد لله كلهم بقوا نجوم وأعلام.

وتابعت: إسعاد يونس كانت بتحضر معانا حفلات كثيرة عادل إمام إنسان طيب وبسيط جدا لكن فى الشغل مفيش ياما ارحمينى التزام كبير جدا، وبيتطمن علينا من غير ما نحس وبيبقى قلقان على الشغل، وهو بيبقى شايل هم الناس كلها.