فك حزام البنطلون.. تعرض الفنانة هلا السعيد لمحاولة تحرش من سائق أوبر
كشفت الفنانة هلا السعيد عن تعرضها لمحاولة تحرش من قبل سائق أوبر، وقالت في فيديو لها بعد الواقعة: "أقف حالياً على محور الضبعة، وكنت راكبة سيارة أوبر ووجدت السائق يوقف السيارة ونزل منها وقال لى السيارة سخنت، وببص ورائى وجدته يفك حزام البنطلون فنزلت من السيارة وجريت مسرعة، وهو قال لى متخافيش متخافيش أنا عندى السكر ولازم كل شوية أدخل الحمام".
وأضافت هلا السعيد: "نزلت من السيارة وتركت شنطتى داخلها والحمد لله انى كنت بتكلم في التليفون قبل ما العربية تقف واتصلت بأحد أصدقائى قلت له إنى أرسلت له لايف لوكيشن وتقريبا هذا ما جعل السائق يخاف، والحمد لله إننا الصبح وأنى ما زالت قريبة من من منزلى".
وكانت الفنانة الشابة أميرة هانى ، ابنة شقيقة الفنانة نبيلة عبيد ، قد كشفت تفاصيل تطاول سائق أوبر عليها، أثناء طلبها رحلة للسيدة التى تساعدها فى المنزل.
وقالت أميرة هانى ،" أنا مش متابعة حقيقي للاحداث خالص و للاسف طلبت اوبر النهاردة عشان يوصل الست اللي بتساعدنا في البيت مشوار بالظبط 10 دقايق يوديها عند النادي اللي تقدر تركب منه و أول ما طلبته فضل راكن ف بعتله اسأله”.
وتابعت،" و ده كان رد هذا المريض النفسي ف حبيت انزل بوست لقيت إن أوبر مصر أساساً عامل مشاكل ف انا هحذف الابليكشن اللي مفيش عليه رقابة ده ولا علي السواقين و أكتفي بهذا البوست للشخص اللي تطاول عليا بدون سبب و انا بقوله حضرتك فين!!! #uberegypt #Egypt و هسيبلكوا الرد!!!"
