شيماء سيف بعد خضوعها لعملية تكميم: خسيت 50 كيلو وبقيت أعرف أركع وأنا بصلي
كشفت الفنانة شيماء سيف تفاصيل خضوعها لعملية تكميم المعدة وخسارتها لـ 50 كيلو من وزنها.
شيماء سيف بعد خضوعها لعملية تكميم: خسيت 50 كيلو وبقيت أعرف أركع وأنا بصلي
وقالت خلال استضافتها مع الإعلامية ياسمين عز ، عن عملية تكميم المعدة: "بتخسي تدريجي بس أول فترة بتزلي 20 كيلو فجأة بعد العملية وبعد كده بتنزلي كل شهر 6 كيلو ودي حاجة مفرحة جدًا وبتقعدي تبصي على الميزان وتقولي ده أنا، ونزلت لحد دلوقتي 50 كيلو وراضية عن شكلي جدًا وكان نفسي أوقف على كده وأكتر حاجة مبسوطة منها بعد العملية أني بقيت بركع وأنا بصلي، وكنت بصلي على كرسي زي الناس الكبار ومبقتش مصدقة نفسي".
وتابعت: "ودي حاجة حلوة أوي وحاجة صحية ويارب ان شاء الله يديم علينا كلنا الصحة، وانا شاكلي اللي بره ده مش فارق لي في أي حاجة، ولا كان فارق لي في الأول ولا دلوقتي وأنا كان فارق لي في الأول أني كويسة وسليمة ودلوقتي، ولما خضت التجربة دي اخدت مميزات أكتر بقيت خفيفة بتمشي بتروحي إنما كشكل بره انا شايفة نفسي هي هي، وبتفرج على نفسي في الفيديوهات القديمة بتخض وزمان ماكنتش بشوف نفسي كده، وكنت بشوف نفسي زمان قمر ".
