نهي الجندي: يجب محاسبة مروجي المقاطع التي تخدش الحياء، وفيفي عبده هتتحبس.
هاجمت المحامية نهى الجندي” إحدى الراقصات بسبب بعض الحركات والإيحاءات الجسدية التي تنافي الآداب العامة، في حلقة خاصة من برنامج “شاي الياسمين” حول فكرة “هل عمل الرجل كراقص شرقي… فن أم انحلال أخلاقي؟”.
صرحت المحامية نهى الجندي في حوارها ببرنامج “شاي الياسمين” مع الإعلامية ياسمين الخطيب، المُذاع على قناة النهار، أن الراقصات على ريلز مواقع الفيس بوك يحرضون على الفسق، قائلة: "اللي بيعملوه الرقصات على فيديوهات ريلز الفيسبوك مش رقص، ده مش منظر رقاصة ولا ده تأدية رقص، ده إيحاءات منافية للآداب دول مش طالعين يرقصوا دول طالعين.
وتابعت: “ما تفعله الرقصات غير قانوني، وتصوير والتسويق أنفسهن على مواقع التواصل غير قانوني ويعاقب عليه لأن كده اساءة استخدام وسائل التواصل الاجتماعي بنشر مقاطع تعمل على التحريض على الفسق والفجور”.
واضافت نهى الجندي: أنها حتى لو لابسة جلبية وطرحه مع احترامي للحجاب، برضو الفعل غلط ويعاقب عليه القانون، وحتى فيفي عبده لو حد قدم فيها بلاغات تتعرض للمسائلة القانونية".
وعن الفارق بين الرقص في الزمن الجميل والرقص في الفترة الحالية 2024، قالت أن الوضع مختلف، فالراقصات في الماضي لم يكن لديهم مواقع تواصل اجتماعي ينشرون رقصهم، على عكس الرقص الآن، فضلا عن أن الراقصات الآن لا يرقصون بل يقومون بحركات وإيحاءات وأفعال منافية.
وقالت :" هو ينفع اجيب ناس بترقص في الأفلام نحاسبهم على رقص دلوقتي، مكنش فيه زمان سوشيال ميديا كانت شاشة أبيض وأسود وخلاص، لكن دلوقتي بنشوف الرقصات دلوقتي على الريلز مبيقولوش إن ده رقص دول بيروجوا لحاجات تانية".
وتابعت:"معظم الرقصات اللي بيظهروا على الريلز دول بيبقوا عليهم قضايا آداب، لو شوفتي الكارت الجنائي بتاعهم هتلاقي معظمهم مدرجين آداب، وطبعا مش بعمم لكن معظمهم".
وعن رقص الرجل، قالت أنه لو قام الرجل بالرقص بحركات تنافي قيم المجتمع، فسوف يعاقب قانونيا، لأنه يعتبر تعدى على قيم المجتمع.
