" بيقول مصر مش للمصريين".. "كابا" مرشد أجنبي يخترق السياحة المصرية بمساعدة شخص" صامت"
تداول رواد مواقع التواصل الاجتماعى واقعة لمرشد سياحى يدعى " كابا" يخترق صفوف المرشدين السياحيين المصريين ويشرح التاريخ للسائحين على طريقته.
وقال متداول الواقعة،" مين كابا وبيعمل ايه؟ كابا هو أحد المتخصصين في التاريخ وبقاله 3 سنوات بيشرح في التاريخ والآثار والحضارة ولكن خارج مصر لغاية ما اتشهر وباه له أرضية وباه بيعمل محاضرات بأنحاء العالم وهو مناصر لحملات الأفروسنتريك
وبيقول ان مصر مش للمصريين وان الجين الافريقي انتهى من مصر والمنسق لكابا واحد اسمه أوميجا دا الممول له".
وتابع،" كلام كابا دا خطير جدًا ودخل المتحف المصري بمجموعة كبيرة وشرح ما يريد شرحه من مفهومه ووجهة نظره الخاطئة وكابا عشان يقدر يشرح لازم يدخل المجموعة بمرشد اسمه مرشد سايلنت "صامت" ودا عشان ياخد شرعية قانونية والمتحف ميقدرش يقوله انت بتعمل ايه ولا كمان شرطة السياحة..اوميجا عارف انه لو مشي بالعدد دا هيتعمله محضر فهو فاهم قانون بيعمل اخطار برنامج سياحي كامل وبيكون معاه مرشد بترخيص ومعاه سماعات بترخيص شركة سياحة يعني كل حاجة معاه رسمي
وقال،" وطبعًا اوميجا دا بيجيب كابا "بتاع الأفروسنتريك" وهو اللي يشرح ويقول أي كلام عايز يقوله باه اختراق محكم ودقيق وبقاله سنين شغال كابا شخصية خطيرة جدًا، وافكاره مسمومة الكارثة في تاريخنا اللي بيتم تشويهه والاتنين المرشدين المصريين اللي نزلوا مع المجموعة دي وكانوا كوبري عشان كابا دا يتكلم لازم يتم الاستفسار عنهم وعن موقفهم".
