مخرج فيلم باسم سمرة ورحاب الجمل: " الفنان مكنش معاه ممنوعات"

قال المخرج وائل الرومى، مخرج الفيلم الجديد للفنان باسم سمرة والذى شهدت كواليسه الخناقة بين الفنان باسم سمرة والفنانة رحاب الجمل ،  فى مداخلة هاتفية مع الإعلامى عمرو أديب ، تعليقا على الأزمة " مافيش حاجة حصلت قدامى من اللى قالته الفنانة وإحنا كنا موجودين فى العشاء أمس وباسم مكنش معاه ممنوعات ".

وكانت كتبت رحاب الجمل، عبر حسابها على فيس بوك، قائلة: "الممثل السكران.. لما تبقي سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. انت بقي تعتبر ان ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي تدخلت في الموضوع ويسامحك بردو تعتبره حق مكتسب."

وأضافت: "لكن تدخل بالأمس بروفة فيلم وانت سكران وعايز كمان تلف حشيش ولما نعترض تشتم وتهين زمايلك وتغلط وتتلفظ بأقذر وأسفل الشتائم قدام الاغراب في مكان عام.. ديه ما تتسامحش عليها لازم تتعاقب وبالقانون لان ده قلة ادب وقلة مهنية والمرادي البلاغ للنائب العام علشان ارفع الحرج عن اي زميل او زميلة في طلب المشاركة في البلاغ أو الشهادة  يكفي تفريغ الكاميرات أنا هاربيك".