لميس الحديدي عن حادثة سيارة زفاف عروسي المعادي: الزفة أصبحت سلوكيات خطيرة ومرعبة

علقت الإعلامية لميس الحديدي على حادثة عروسين المعادي، السيارة التي سقطت في نهر النيل بالمعادي حيث تحولت "زفتهما إلى جنازة"، حيث كانت  السيارة تقل عددًا من أقارب العروسين، وأثناء سيرها وسط زفة العروسين على الطريق الدائري تجاه المعادي، سقطت  في النيل لتتحول الابتسامة لحزن والزفة لجنازة.

قالت "الحديدي" في برنامجها "كلمة أخيرة" على قناة "ON": "معدتش الزفة بالشكل المعتاد اللي عارفينه زمان معتمد على كلكسات العربية، بل أخذت شكلًا أخر وبقت عبارة عن سلوكيات مرورية خطيرة وأصبحت خطر وبقت عبارة عن عيال راكبة عربيات يقودها عيال ماشية تخمس ورا بعضها واللي ماشي وراهم مش عارف يروح فين"؟.

السلوكيات

تابعت: "أنا كتير ببقى سايقة وبشوف السلوكيات دي بروح راكنة ومش بكمل لحد مايعدوا  حتى لو متأخرة لأن اللي بيحصل رعب وأنا بيصبني الرعب لأنه بيبقى طاير يمين وشمال ممكن يطير أي عربية وهو مشهد متكرر يؤدي لكوارث ده كده كويس ممكن كمان يبقى فيه شماريخ ويطلعلي حاجات".