ياسمين عز تدافع عن شهد سعيد: السوشيال ميديا مش ربنا وأي فيديو بينتشر مفيهوش الحقيقة كاملة

دافعت الإعلامية ياسمين عز عن اللاعبة شهد سعيد صاحبة واقعة إصابة زميلتها جنة عليوة في سباق الدراجات

وقالت ياسمين عز في برنامجها كلام الناس: مصر كلها حكمت إن شهد الساحرة الشريرة غلطانة وجنة مظلومة، لكن عشان نحكم على أي موضوع لازم نسمع من الطرفين، ومينفعش نغلبهم بالصوت ونهيج الرأي العام ضد بنت عندها 19 سنة بتلعب في منتخب وعندها بطولة.. أنت كده مش بتدمر نفسيتها أنت بتدمر نفسية كل زملائها اللي معاها في المنتخب.. وأي فيديو بينتشر مفيهوش الحقيقة كاملة، وطالما إنك غير محترف لركوب الدرجات مينفعش تحكم زي المحترفين.

وتابعت " السوشيال ميديا مش ربنا .. والفيديو مش مبين كل حاجة".

ومن جانبها علقت اللاعبة شهد سعيد ، على الهجوم عليها بعد واقعة إصابتها لزميلتها جنة عليوة قائلة : “أنا ماخبطتهاش أنا اختل توازنى وهى اللى شتمتنى مش أنا اللى شتمتها”.

وتابعت فى مداخلة هاتفية مع الإعلامية ياسمين عز ،:" أنا فوجئت إن الإسعاف خدتها وهى عملتى محضر وروحت القسم والنيابة وأنا حاولت أعتذرلها وهى ماوفقتش وأختها عرفانى كويس جدا".

وقالت،" حاولت أبوس على دماغها وماوفقتش والتقرير الأول للجنة الطبية لم يثبت إصابتها بأى كسور أو ارتجاج".

واعتذرت شهد سعيد لصديقتها قائلة،" أنا بعتذرها قدام العالم كله وبقولها بس اللى انتى قولتيه مش صح".

وعلقت جنة عليوة، لاعبة المنتخب الوطني للدراجات، على الحادث الذي تعرضت له على يد اللاعبة شهد سعيد، والذي كان محل استياء كبير من مستخدمي مواقع التواصل الاجتماعي، إنها لم تتذكر من الواقعة غير "الوقعة فقط"، إذ كان لديها امتحانات في توقيت المسابقة، ولم تدرك أن لديها امتحانات بسبب فقدان في الذاكرة نتيجة إسقاطها بشكل متعمد من اللاعبة شهد سعيد.

وأضافت عليوة، خلال لقاء خاص على شاشة «إكسترا نيوز»، أن اللاعبة شهد كانت تتبعها بشكل كبير وكان هدفها الأول والأخير أن تلحق هزيمة بها، وذلك يرجع لعدة دوافع هو أنه كان هناك " مشاحنة قبلها عشان كنا كسبانين السبقين اليوم اللي قبله ودي كانت المرة الأولى ليهم يخسروا السبقين دول"، موضحة أن الجميع شاهد الواقعة ومن يرى فيديو الحادث يعلم تمام العلم بأن السقوط متعمد وليس بسبب اختلال التوازن.

وأعربت اللاعبة عن سعادتها البالغة بردود الناس على الواقعة، قائلة: " ده من عند ربنا.. الناس شايفة الفيديو واضح وصريح ماعدا مدربها اللي شايف ان ده اختلال في التوازن.. تصرف شهد سعيد معي لا أخلاقي أو رياضي ولم تعتذر لي طوال الشهرين الماضيين، وأنا أصبت بكسر مضاعف وركبت شريحة ومسامير في الترقوة".