دفاع سائق أوبر: يطلب استدعاء الطبيب الشرعي للكشف على المجني عليها
بدأت محكمة جنايات القاهرة، أولى جلسات محاكمة سائق أوبر المتهم بمحاولة خطف فتاة التجمع، واغتصابها بنطاق منطقة مدينة نصر، خلال استقلالها السيارة معه.
قال محامي سائق أوبر المتهم بمحاولة خطف فتاة التجمع أمام هيئة المحكمة، إنه يرغب في البحث عن كاميرات المراقبة في المكان، لكشف ما حدث مع نبيلة عوض، مؤكدًا إنه لا توجد أي كاميرا مراقبة على الطريق ولا توجد في السيارة أي كاميرا تثبت الجريمة، وأنه لا يمكن تصور معقولية الواقعة.
وطلب دفاع سائق أوبر باستدعاء الطبيب الشرعي في القضية واستدعاء مجري التحريات لسماع أقواله في القضية.
وكان وصل بعد ظهر اليوم، لمحكمة جنايات التجمع، سائق أوبر المتهم في واقعة التعدي ومحاولة خطف فتاة التجمع نبيلة عوض.
كما وصلت فتاة ضحية التحرش والمعروفة إعلاميًا بـ فتاة التجمع، إلى محكمة جنايات القاهرة، لحضور أولى جلسات محاكمة سائق أوبر المتهم بمحاولة خطفها وهتك عرضها واغتصابها بنطاق منطقة مدينة نصر، خلال استقلالها السيارة معه.
قال محامي نبيلة عوض فتاة مدينة نصر، أنه سيطالب بتعويض مليون جنيه عن الأضرار التي لحقت بموكلته جراء الاعتداء عليها من سائق أوبر أثناء رحلتها إلى التجمع الخامس.
وأمرت النيابة العامة بإحالة سائق بشركة "أوبر" في القضية رقم 2776 لسنة 2024 جنايات ثان مدينة نصر إلى محكمة الجنايات المختصة، لمعاقبته فيما نُسب إليه من جرائم.
ووجهت النيابة العامة اتهامات ارتكاب جناية خطف أنثى بالتحيل المقترنة بجناية هتك عرضها بالقوة والتهديد لسائق أوبر المتهم بواقعة فتاة مدينة نصر نبيلة عوض.
وثبت بتحقيقات النيابة العامة أن المجني عليها استقلت سيارة المتهم عبر تطبيق النقل الذكي "أوبر"، فأغلق المتهم التطبيق ليحول دون تتبعه، واصطحبها إلى طريق صحراوي بعيدا عن أعين المارة، ثم توقف بالسيارة وترجل منها إلى مقعد المجني عليها.
قالت ضحية سائق أوبر في تحقيقات النيابة العامة: كنت راكبة أوبر مع سائق وكان باين عليه مضايق، أنا قولتله أنت متضايق أو في حاجة أو محتاج الفلوس كاش نزلني هنا لأن أنا مش معايا فلوس كاش، وكان بيتجاهلني لما بكلمه وبعدين قال أنا خلاص بدأت الرحلة، وبعد كده مشي في الطريق، وأنا معرفش الطرق فلقيته ركن العربية على جنب الطريق، فأنا كان في وداني سماعات التليفون المحمول بسمع قرآن، فلما لقيته ركن العربية فشيلت سماعة منهم أشوف في أيه، لقيته بيقولي أنا ممكن أنزل أجيب مياه من شنطة العربية علشان عطشان أشرب، فقولتلوا اتفضل.
وتابعت: نزل وفتح باب الشنطة وبعدين اتأخر شوية، فحسيت إن حاجة غربية بتحصل، فقومت لميت الشنطة بتاعتي وبفتح باب العربية علشان أنزل، وبعدين بدأت أنزل رجلي من العربية لقيته جه وماسك في إيده سلاح حاد بيقولي ده كتر ويقولي اهدي اهدي، ويزعق علشان لو مش بطلتي صويت هقتلك.
واستكملت فتاة التجمع: أنا ساعتها قولتله اقتلني بس مش هتعمل معايا حاجة لأنه شد هدومي وكان عمال يمسكني، وأنا ساعتها كنت بدافع عن نفسي وماسكة بإيدي السلاح اللي في إيده وكان بإيده الثانية عمال يمسكني من جسمي، ويضربني على وشي ورأسي ويشدني من شعري، وأنا أصوت وأقوله حرام عليك أنا عندي عيال قعد يشتمني بيقولي اهدي، لحد ما حاولت أفتح باب العربية اللي ورايا، وأزحلق نفسي بره باب العربية اللي ناحية الطريق.
