جنة عليوة تعلن قبول اعتذار شهد سعيد والتنازل عن القضية

كشفت جنة عليوة لاعبة الدراجات، آخر تطورات أزمتها مع زميلتها شهد سعيد، مردفة: “أنا قبلت اعتذار شهد سعيد، خلاص مفيش حاجة وراضية بالقرار، طبعا الرئيس النهاردة تحدث عن القيم والأخلاق الرياضية دي حاجة مهمة أوي، كمان حابة أشكر وزير الرياضة، ورئيس اللجنة الأولمبية كمان”.

وأضافت جنة عليوة في مداخلة هاتفية مع الإعلامية فاتن عبدالمعبود ببرنامج “صالة التحرير” المذاع على قناة صدى البلد، قائلة: “بجد أنا مسمحاها ومفيش أي حاجة معاها، واتمنى أنها تكلمني ومفيش أي حاجة خلاص مع شهد، وطالما أنا سامحتها خلاص مفيش قضية ولا حاجة”.

 أولمبياد باريس

وتابعت جنة عليوة: “مفيش مشكلة خالص مع شهد واتمنى ليها التوفيق في حياتها الرياضية، وكمان اتمنى التوفيق للبعثة المصرية في أولمبياد باريس”.

وأكملت جنة عليوة: “أنا حسمت قراري بقبول الاعتذار بعد بيان عدم مشاركة شهد في أولمبياد باريس، الحمدالله مرة تانية وراضية بقرار الصلح والتنازل عن القضية”.

ووجهت جنة عليوة رسالة إلى شهد سعيد قائلة: “والله أنا بتنمالك التوفيق واتمنى تشاركي في أولمبياد 2028”.