كان عايز سجل صناعي.. كامل الوزير يفاجئ أحد المستثمرين في هيئة التنمية الصناعية
عرض الإعلامي أحمد موسى، مقطع فيديو من جولة الفريق كامل الوزير نائب رئيس الوزراء للتنمية الصناعية ووزير النقل والصناعة، مع عددا من المستثمرين الذين تم حل مشاكلهم.
وتحدث كامل الوزير للمستثمر في مقطع الفيديو الذي عرضه الإعلامي أحمد موسى ببرنامج «على مسئوليتي» المذاع على قناة «صدى البلد»، مع أحد المستثمرين الذين تم حل مشكلته وإعطائه السجل الصناعي.
سجل صناعي
وقال الفريق كامل الوزير للمستثمر: «الأسبوع اللي الماضي اشتكيت وكنت عايز سجل صناعي للمصنع بتاعك، وتم إصدار السجل الصناعي لك، عايز أقولك لازم تشغل المصنع طول السنة حاول تشوف فكرة جنب تصنيع العسل الأول وتعملها، بدل ما توقف المصنع من شهر مايو لحد نوفمبر، حاول تصنع حلاوة طحنية».
تحدث الفريق كامل الوزير مع مستثمر ثان قائلًا: «أنت خدت رخصة في 2017 على أرض زراعية وتحولت لمرزعة دواجن، وتم هدم مزرعة الدواجن وحولتها لمصنع، إحنا حلينا مشكلتك رغم أنك عملت الغلط واشتغلت مع نفسك، كان لازم تاخد موافقة بتغيير النشاط».
وأكمل:«هناك فرق كبير بين المصنع والمزرعة، مفيش حد هيبني مصنع على أرض زراعية، ولا حد هيغير نشاطه وياخد الرخصة، ولكن علشان حضرتك عندك مصنع ومعاك رخصة سابقة وبتصدر، هنديك رخصة تغيير النشاط، وهنبعت ليك لجنة واتنين يتأكدوا أنه عندك مصنع».
