رانيا فريد شوقي ترثي والدها في ذكري رحيله: "أتحرمت منك ومن حنيتك"

وجهت الفنانة رانيا فريد شوقي رسالة مؤثرة لوالدها وعبرت عن اشتياقها ، في ذكرى وفاته الـ 26، حيث رحل عن عالمنا في مثل هذا اليوم من العام 1998.

ونشرت رانيا فريد شوقي مقطع فيديو مدمج به مجموعة من الصور لوالدها من أعماله الفنية وعلقت عبر حسابها بموقع "انستجرام": 26 عاما على رحيلك اتحرمت منك ومن حنيتك ودلعك وكنت أميرتك وماكنتش بشيل هم حاجة لأنك كنت سندي وضهري وقوتي ومصدر العطاء والسعادة وحصن الأمان، وساعات بسأل نفسي لو كنت لسه عايش يا ترى أنا كنت همر بكل اللي حصل لي في حياتي الإجابة أكيد لأ.

نصائح والدها

وأضافت رانيا فريد شوقي: كنت دايما بتتكلم معايا وتقنعني وتنصحني وتحميني حتي من نفسي وأموت ولا تزعل مني أنت وحشتني أوي وأنا دايما بتكلم معاك حتى لو مش سامعني بس برتاح لما أفضفضلك طب عارف إيه اللي بيهون عليا فراقك حب جماهيرك وكلامهم عنك بكل حب وأصحابك والعائلة وأمي الله يرحمها حتى هي سبتني وراحتلك وناهد أختي راحتلك قبلها سنة قاسية أوي عليا يا بابا بحاول اتعايش وأهرب للشغل، وأنا حقيقي وحيدة من غيركم مفيش حاجة تعوض الأب والأم يا رب قويني وصبرني". 

واشتهر الفنان الراحل فريد شوقي بلقبي ملك الترسو وحش الشاشة، وهو صاحب المشوار الفني الحافل والمتنوع بالعديد من الأعمال في السينما وقدم أدوار الشر وابن البلد والأب.