أفشة يعتذر عن لحظة غضبه عقب استبداله فى مباراة سيراميكا

قال أفشة عبر حسابه على انستجرام :"حابب اوضح حاجه علشان للاسف بعض الناس هيبدأ يتداول حاجات ويفسر حاجات مش مظبوطه، أنا امبارح بعد التغيير كنت زعلان جدا جدا من نفسي وكنت حاسس اني محبط جدا ومعملتش حاجه للفرقه خاصه اني بدأت الماتش وكانت حابب يكون ليا اضافه ، ايام اللعيب او الرياضي عموما بيبقي فيها حاجات محبطه زي كده ، أنا حتى نشرت احصائيه فيها صفر صناعة وصفر تسجيل ، عندي أفضل من کده اکید ، مصدرش مني اي شيء ناحيه الجهاز الفني اللي طبيعي يغير ويبدل واللاعيب لازم يحترم قراره تحت اي وضع ، ولا حتي الكابتن خالد بيبو اللي في لحظتها قلتله مفيش اي حاجه وقعدت وهديت .. معلش لحظه غضب وراحه لحالها وإن شاء الله الجاي افضل".

وكان المدير الفني السويسري مارسيل كولر، قد استبدل أفشة ورضا سليم في الدقيقة 71، ودفع بكريم وليد "نيدفيد" وحسين الشحات بدلا منهما فى مباراة سيراميكا الأخيرة بالدوري، فخرج أفشة من الملعب غاضبا، معبرا عن استيائه من قرار المدير الفني.