عصام السيد لـ "مصر تايمز": السعودية بتقدم عروض معظم اللي عاملينها مصريين
علق المخرج المسرحي عصام السيد على وضع الدورة الـ 17 للمهرجان القومي للمسرح باسم الفنانة سميحة أيوب، وعلق أيضا على اتجاه عدد كبير من النجوم لتقديم عروض مسرحية بالمملكة العربية السعودية، والأزمة التي يواجهها مسرح الدولة على مدار الفترة الأخيرة.
تعليق عصام السيد على الأزمة التي يواجهها مسرح الدولة
قال عصام السيد في تصريحات خاصة لـ "مصر تايمز": "طبعا أستاذة سميحة أيوب تستحق إن اسمها يكون على المهرجان القومي للمسرح وتستحق أكثر كمان".
كما علق على اتجاه عدد كبير من النجوم لتقديم مسرحيات بالمملكة العربية السعودية : "مفيش حد بيسحب بساط المسرح بالبساطة دي، أولا السعودية بتقدم عروض معظم اللي عاملينها مصريين، ودي عروض مصرية، ليه ننبقى زعلانين منها، يعني مفيش ما يدعو لأننا نبقى واخدين موقف من العروض دي".
كما كشف عن المقترحات التي يمكن تقديمها في سبيل أن مسرح الدولة يعود لبريقه : "إنهم يخففوا شوية من القيود والقوانين واللوائح اللي بتحكمه".
وصرح : "إحنا عمالين نقول مسرح الدولة تعبان ومسرح الدولة فيه مشكلة وهكذا، ده مش صحيح، الموسم ده فيه مسرحيات كتير جدا في مسرح الدولة ناجحة ومحققة حاجات كتير اوي وجيدة جدا، ف صيغة الجمع بتاعت مسرح الدولة تعبان ومسرح الدولة فيه مشكلة أنا مش موافق عليها".
وأضاف : "مسألة المسرح مش النجم، فيه نجوم كتير جدا كانوا بيشتغلوا مسرح، ولكن النجوم دول أساسا مشتغلوش مسرح كتير أو إن هما مش نجوم مسرح أساسا، احنا للأسف بنطلع كدة جملة وبنجري وراها كلنا".
وأكد : "مسرح الدولة مكانش بيستضيف هؤلاء النجوم لا أحمد حلمي عمل مسرحيات في مسرح الدولة ولا كريم بعد العزيز ولا حد من دول علشان النهاردة نيجي نقولهم أنتوا إزاي مبتشتغلوش في مسرح الدولة، وهو من الأساس مشتغلوش في مسرح الدولة، ف ليه نحطهم في موقف هما أساسا مش غلطانين فيه".
وأوضح : "مسرح الدولة إلى حد ما خطواته بطيئة في الإنتاج وده مش بسبب وزارة الثقافة، ولكن بسبب وزارة المالية لأن وزارة المالية بتطبق قوانين وقواعد للمسرح زيه زي أي محل سوبر ماركت"
