ليلى طاهر لـ"مصر تايمز": الفنان في أي بلد عربي بيقول أنا مصري
علقت الفنانة القديرة ليلى طاهر على الأزمة التي يواجهها مسرح الدولة على مدار الفترة الأخيرة، وكشفت عن رأيها أيضا في اتجاه عدد كبير من النجوم في تقديم عروض مسرحية بالخارج وبالأخص في المملكة العربية السعودية.
ليلى طاهر تعلق على أزمة مسرح الدولة
قالت ليلى طاهر في تصريحات خاصة لـ "مصر تايمز": "هو الفن عموما جاتله فترة وحصل نكسة كدة زي كل حاجة في البلد، ولكن بدأ يرجع لأصله، وأنا سعيدة جدا بالمسرح لأنه بدأ يتقدم ويرجع لأصله بس شوية شوية، مفيش حاجة بترجع مرة واحدة كدة، وإحنا في الطريق الصحيح".
وعلقت على اتجاه عدد كبير من النجوم على تقديم عروض مسرحية بالمملكة العربية السعودية : "السعودية مسحبتش بساط المسرح من مصر، ولكن هما حاولوا في الأغاني والحفلات إنهم يتقدموا فيها، لكن بالنسبة للفن والمسرح والتمثيل لا خالص، وبعدين الناس بتروح في أي حتة عربية، يعني لما أي بلد عربي بيعوز فنان مبنقولش لا، ولكن ده مش معناه إن نسيب بلدنا وفننا ونروح بلد تانية، ولو حد عمل كدة يبقى غلطان".
وأضافت : "والنجوم إذا لقوا عروض مسرحية في مصر هيشتغلوا في مصر، ولو لقوا برة هيشتغلوا برة يعني الفنان في أي بلد عربي بيقول أنا مصري، مش بيقول أنا سعودي أو أنا أرمني أو أنا خواجة، حتى لو اشتغل في السعودية بس هو فنان مصري".
وأكدت : "كان فيه تباطؤ في الإنتاج في مسرح الدولة، ولكن احنا دلوقتي ماشيين في الصعود".
وصرحت : "هو فيه نشاط من الدولة دلوقتي وفيه مهرجان، وفيه مجهود جامد علشان المسرح يرجع للمكانة المصرية المعروفة"
