لقاء سويدان: بحضر دروس دين علشان ألاقي إجابات للأسئلة اللي عندي

ظهرت الفنانة لقاء سويدان في لقاء ببرنامج "بدون وصاية" والذي يعرض عبر موقع التواصل الاجتماعي "فيسبوك"، حيث كشفت من خلال لقاءها عن الكثير من الأمور في حياتها الشخصية. 

مواقف الحياة

قالت لقاء سويدان: "كل واحد لما بيكبر بيبتدي يشوف مواقف كتير في الحياة ويودع كل يوم صاحب أو أب أو أخ ويبتدي يفكر هو مخلوق ليه أصلا، وليه ربنا خالقنا، وليه الظروف اللي بنتحط فيها دي، ف الأسئلة الكتيرة دي محتاجة إن أنت تدور وتفهم، ف تحس إن ربنا هو الملجأ الوحيد، وإن إحنا موجودين أصلا علشان نعمر الأرض ونذكر الله". 

وأضافت: "بحضر دروس دين علشان أفهم، فيه حاجات أسئلة عندب كتيرة، ف أنا أعرف إجاباتها منين من الكتب، زمان قرأت كتب اكتشفت إن الكتب دي غلط لمجموعة من الناس طلعوا مثلا إنهم متشددين، وطلع حاجات كتير من اللي عارفاها كانت غلط، ف ابتديت أروح عند ناس موثوق فيهم، شيوخ كبار موثوق فيهم، وأحاول إن أنا أدرس معاهم وأفهم وأحضر جلسات علم علشان أفهم ديني".